अमेरिकी सिमाक्षेत्र रणभूमीजस्तो बनेपछि एकाविहानै ट्रम्पको ट्वीट
प्रकाशित मिति : मंसिर १०, २०७५ सोमबार
आइतबार क्यालिफोर्नियाको सान डिएगो स्थीत सान यिसिद्रो पोर्ट अफ इन्ट्री रणभूमी जस्तो बन्यो । कागजपत्रविहिन आप्रवासीहरुले अमेरिकी अधिकारीहरुतिर विभिन्न बस्तुहरुले प्रहार गरे भने अमेरिकी सुरक्षाकर्मीले आप्रवासीलाई लक्ष्यीत गरेर अश्रुग्याँस प्रहार गरे ।
मेक्सिकन सुरक्षाकर्मीहरुले धरपकड गर्दै ३९ जनालाई नियन्त्रणमा समेत लिए । सान डिएगो क्षेत्रको अमेरिकी सिमानाका घण्टौं बन्द गर्नुपर्ने अवस्था समेत आयो । यो अवस्थापछि सोमबार विहानै अमेरिकी राष्ट्रपति डोनाल्ड ट्रम्पले ट्वीट गर्दै अमेरिकामा जबर्जस्ती घुस्न खोज्नेहरुलाइै मेक्सिकोले देशनिकाला गर्नुपर्ने बताएका छन् ।
Mexico should move the flag waving Migrants, many of whom are stone cold criminals, back to their countries. Do it by plane, do it by bus, do it anyway you want, but they are NOT coming into the U.S.A. We will close the Border permanently if need be. Congress, fund the WALL!
— Donald J. Trump (@realDonaldTrump) November 26, 2018
‘जहाजबाट गर, बसबाट गर, जसरी चाहन्छौ त्यसरी गर तर उनीहरु कुनै पनि हालतमा अमेरिका घुस्नु हुँदैन’ – ट्रम्पले आफ्नो ट्वीटमा भनेका छन् । आवश्यक परेमा अमेरिकाको सिमानाका स्थायी रुपमा नै बन्द गरिने चेतावनी समेत ट्रम्पले दिएका छन् । उनले संसदलाई अमेरिकी सिमाक्षेत्रमा पर्खाल लगाउनका लागि फण्ड उपलब्ध गराउन समेत आब्हान गरेका छन् ।
मेक्सिकोतिरबाट हुलका हुल कागजपत्रविहिन आप्रवासीहरु अमेरिका छिर्न खोजेपछि क्यालिफोर्नियाको सान डिएगो सिमानाकामा तनाव उत्पन्न भएको थियो । मेक्सिकोतिरबाट अमेरिका छिर्ने प्रयास झण्डै ५ सय आप्रवासीहरुलाई आइतबार सिमानाकामा बलप्रयोग गरेर रोकिएको छ ।
अमेरिका घुस्न खोज्ने कागजपत्रविहिनलाई फेरी अमेरिकी जमिन छुन नपाउने गरी देशनिकाला गरिने
कागजपत्रविहिनको हुल छिर्न खोजेपछि अमेरिकी सिमानाका घण्टौं बन्द, अश्रुग्याँस प्रहार, मच्चियो भागदौड