आफ्नो बिहेमा मोदीलाई निम्तो दिन हुनेवाला श्रीमान लिएर प्रधानमन्त्री निवास पुगिन् प्रियंका
प्रकाशित मिति : मंसिर १०, २०७५ सोमबार
बलिउड अभिनेत्री प्रियंका चोपडाले आफ्नो बिहेमा भारतिय प्रधानमन्त्री मोदीलाई निम्ता गरेकी छन् । भारतिय मिडियाका अनुसार प्रियंका निम्ता दिनका लागी हुनेवाला श्रीमान निकलाई लिएर प्रधानमन्त्री निवास पुगेको बताइएको छ ।
उनीहरुले मोदीलाई भेट्न पाए कि पाएनन् भन्ने खुलेको छैन । तर, निम्तो कार्ड चाहिँ मोदीकोे हातमा पुगिसकेको छ ।यसअघि एकाध पटक प्रियंकाले मोदीलाई भेट्ने अवसर पाएकी थिइन् । त्यही आधारमा उनले मोदीलाई आफ्नो बिहेमा निम्ता दिएको बताइएको छ ।
प्रियंकाको बिहेको मिति औपचारिक घोषणा भएको छैन । तर, मिडियाहरुले १ र २ डिसेम्बरमा बिहे हुने दावी गरिरहेका छन् । पहिलो दिन हिन्दू परम्पराअनुसार र दोस्रो दिन क्रिस्चियन परम्पराअनुसार बिहे हुनेछ । बिहेको लागी निक आफ्नो परिवारलिएर भारत आइसकेका छन् । यस अघि बलिउडको चचिृत जोडी रणवीर दिपिकाले इटाली पुगेर बिहे गरेका थिए ।