Follow @khasokhasmag

अमेरिकाको पूर्वी तटमा अत्यधिक खतरनाक चक्रवातको खतरा


प्रकाशित मिति : भाद्र २६, २०७५ मंगलबार

बीबीसी

अमेरिकाको पूर्वी तटमा चक्रवात फ्लोरेन्सको खतराका कारण कयौंलाई सुरक्षित स्थानमा लैजाने अभियान चलाइएको छ । यो पछिल्ला थुप्रै दशकको सबैभन्दा भीषण चक्रवात हुनसक्ने अनुमान गरिएको छ ।

साउथ क्यारोलाइनाका गभर्नरले तटीय इलाकामा बसेका सबैलाई सुरक्षित स्थानमा जान आदेश दिएका छन् । यस्तै नर्थ कयारोलाइना र भर्जिनियामा आपतकालको घोषणा गरेका छन् ।

यो खतरनाक चक्रवात बिहिबार क्यारोलाइनामा आउन सक्छ ।

कति खतरनाकः

अधिकारीका अनुसार फ्लोरेन्स अब चौथो श्रेणीको आँधी बनेको छ र योभित्र एक सय ९५ किलोमिटर प्रतिघण्टाको गती भएको हावा चलिरहेको छ ।

फ्लोरेन्स सोमबार बिहानसम्म दोस्रो श्रेणीको आँधी थियो र यो नर्थ क्यारोलाइनाको दक्षिण पूर्वस्थित केप फियरभन्दा दुई हजार किलोमिटर टाढा थियो ।

मोसम विशेषज्ञका अनुसार यो पाँचौं श्रेणीको आँधी बन्न सक्छ किनभने यसले अटलान्टिकको तातो पानीबाट ताकत पाइरहेको छ ।

नेशनल हरिकेन सेन्टर (एनएचसी) ले फ्लोरेन्सलाई ‘अत्यधिक खतरनाक’ मौसमी घटना बताएको छ । यसले तटीय र आन्तरिक इलाकामा भारी वर्षा र बाढीका कारण विनास निम्त्याउन सक्छ ।

एनएचसीले भनेको छ, ‘फ्लोरेन्सका कारण घातक प्रभाव पैदा हुनसक्छ । तटीय क्षेत्रमा छाल उठ्न सक्छ र भारी वर्षाका कारण आन्तरिक इलाकामा पानी भरिएका कारण बाढी आउन सक्छ । चक्रवातको शक्तिशाली हावाले विनास निम्त्याउन सक्छ ।’

अमेरिकी राष्ट्रपति डोनल्ड ट्रम्पले यो चक्रवातका कारण शुक्रबार मिसिसिपीमा हुने र्याली रद्द गरेका छन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com