जापानमा एक नेपालीको मृत्यु
प्रकाशित मिति : भाद्र ७, २०७५ बिहीबार
विगत १० बर्षदेखि जापानमा कुक पेशामा रहेका ४८ बर्षिय राजेन्द्र पौडेलको बुधबार बेलुकी निधन भएको छ ।
चितवनको भरतपूर घर भई हाल साइतमा केनको खावागोए स्थित खासुमिगासेकीमा बसोबास गर्दै आएका पौडेल बुधबार बेलुकी अचानक लडेपछि हस्पिटल लगिएको थियो । हस्पिटल लगेलगत्तै डाक्टरले उनलाई मृत घोषणा गरेको परिवार श्रोतले बतायो ।
उनी श्रीमती, एक छोरा र एक छोरीसहित खावागोएमा बस्दै आएका थिए ।
मृत्युको एकिन कारण खुलिसकेको नभएपनि परिवारले हृदयघातका कारण मृत्यु भएको हुनसक्ने अनुमान गरेका छन् ।