अष्ट्रेलियाको जनसंख्या २५ मिलियन, दक्ष कामदारलाई अब ग्रामिण क्षेत्रमा लैजाने योजना
प्रकाशित मिति : श्रावण २६, २०७५ शनिबार
अष्ट्रेलियाको जनसंख्या मंगलबार राती २५ मिलियन पुगेको छ । जनसंख्याको उक्त तथ्याङ्क अनुसार धेरै जनसंख्या मेलबर्न, सिड्नी, क्यानबेरा लगायतका सहरहरुमा रहेको छ । अन्य देशबाट बसाई सराई गरि आउने व्यक्तिहरु सहरी क्षेत्रमा बसेका कारण यो असन्तुलन आएको हो ।
गृह मन्त्रालयका अनुसार, गत वर्ष १ लाख १२ हजार दक्ष व्यक्ति अष्ट्रेलिया आएका थिए । जस मध्ये ८७ प्रतिशत व्यक्तिहरु मेलबर्न र सिड्नीमा बसोवास गर्न थाले । यसले गर्दा सहरी क्षेत्रमा बेरोजगारी बढ्ने देखिएको छ भने ग्रामिण तथा मूख्य सहर भन्दा परका ठाउँहरुमा कामदारको अभाव देखिएको छ ।
यो असन्तुलनलाई मिलाउनको लागि गृह मन्त्रालयले स्थानीय सरकारलाई बिजनेस स्पोन्सरशिप अधिकार दिने भएको छ। स्थानीय काउन्सिलले विभिन्न पेशाका विदेशीहरुलाई स्पोन्सर गर्न सक्नेछन् । नर्थन टेरीटोरीमा यो कार्यक्रम लागु भइसकेको छ र अरु क्षेत्रमा पनि लागु गर्नको लागि तयारि भइरहेको छ ।