बेलायती प्रधानमन्त्री स्टार्मरले भने – ‘पुटिन शान्तिप्रति गम्भीर छैनन्’
प्रकाशित मिति : चैत्र २, २०८१ शनिबार
British Prime Minister Sir Keir Starmer departs 10 Downing Street, London, to attend Prime Minister’s Questions at the Houses of Parliament, on Wednesday March 5, 2025. (Stefan Rousseau/PA via AP)
बेलायतका प्रधानमन्त्री किअर स्टार्मरले रुसी राष्ट्रपति भ्लादिमिर पुटिनमाथि शान्तिका विषयमा गम्भीर नभएको आरोप लगाउँदै कडा चेतावनी दिएका छन्। युक्रेन संकटबारे छलफल गर्न आज विश्व नेताहरूको भर्चुअल बैठक आयोजना हुँदैछ ।
प्रधानमन्त्री स्टार्मरले भने, ‘पुटिनलाई अमेरिकी राष्ट्रपति डोनाल्ड ट्रम्पको युद्धविराम प्रस्तावसँग खेल खेल्न दिनुहुँदैन।’
उनले अन्तर्राष्ट्रिय समुदायलाई युक्रेनका लागि सुरक्षा ग्यारेन्टी दिन आग्रह गरे।
यस्तै, अमेरिकाले प्रस्ताव गरेको ३० दिनको युद्धविराम योजनामा पछिल्लो समय चर्चा भइरहेको छ। युक्रेनी राष्ट्रपति भोलोदिमिर जेलेन्स्कीले उक्त प्रस्तावलाई समर्थन गरेका छन्, तर पुटिनले अझै औपचारिक सहमति जनाएका छैनन्।
तर, अमेरिकी राष्ट्रपति डोनाल्ड ट्रम्प भने सम्भावित सम्झौताबारे आशावादी देखिएका छन्। उनले बिहीबार पुटिनसँग ‘राम्रो र उत्पादक’ वार्ता भएको दाबी गरेका छन्।