नुवाकोटमा भएको हेलिकप्टर दुर्घटनामा ज्यान गुमाउने मृतकको शव परीक्षण सुरु
प्रकाशित मिति : श्रावण २४, २०८१ बिहीबार
हेलिकप्टर दुर्घटना नुवाकोट, २३ साउन : नुवाकोटको शिवपुरी गाउँपालिका–७ शिवपुरी जङ्गलको सूर्यचौर क्षेत्रमा बुधबार भएको हेलिकप्टर दुर्घटनामा मृत्यु भएका मृतकको शव पोष्टमार्टमकालागि अस्पताल लग्दै सुरक्षाकर्मी । तस्बिर : हरिराम भेटुवाल/रासस
नुवाकोटको शिवपुरीमा एयर डाइनेस्टीको हेलिकप्टर दुर्घटनामा ज्यान गुमाएका यात्रीको शव परीक्षण थालिएको छ ।
महाराजगन्जस्थित त्रिवि शिक्षण अस्पतालमा शव परीक्षण थालिएको एयर डाइनेस्टीका व्यवस्थापक बालकृष्ण पण्डितले राससलाई जानकारी दिनुभयो । उक्त दुर्घटनामा एक नेपाली तथा चार चिनियाँ नागरिकको मृत्यु भएको थियो ।
हेलिकप्टरका क्याप्टेन अरुण मल्लको शव परीक्षण गरी परिवारको जिम्मा लगाउने तयारी छ । चिनियाँ नागरिकको शव परीक्षणका लागि यहाँस्थित चिनियाँ राजदूतावाससँग समन्वय भइरहेको व्यवस्थापक पण्डितले जानकारी दिनुभयो ।
