प्रतिनिधि सभाबाट प्रधानमन्त्री दाहाललाई चौथौं पटक विश्वासको मत प्राप्त
प्रकाशित मिति : जेष्ठ ७, २०८१ सोमबार
नेपाली कांग्रेस लगायतका विपक्ष दलहरुको अवरोधकाबीच प्रधानमन्त्री पुष्पकमल दाहाल प्रचण्डले प्रतिनिधि सभाबाट विश्वासको मत प्राप्त गर्नुभएको छ ।
प्रधानमन्त्री दाहालले प्रस्तुत गरेको विश्वासको मत सम्बन्धी प्रस्तावमा उपस्थित १५८ जना सांसदहरु मध्ये १५७ जनाले पक्षमा मतदान गर्नुभएको हो ।
प्रतिनिधि सभामा हाल उपस्थित रहेका सांसदहरुको संख्या मध्ये १५७ मत बहुमत भएकाले प्रधानमन्त्री दाहालले विश्वासको मत प्राप्त गर्नुभएको सभामुख देवराज घिमिरेले घोषणा गर्नुभयो । विपक्षहरुले मत नदिएपछि सो प्रश्तावको विपक्षमा शुन्य मत पर्यो । एक जना सांसद् भने तटस्थ बसेका छन् ।
प्रतिनिधिको अर्को बैठक जेठ ८ गते मंगलवार बिहान ११ बजे बोलाइएको छ ।