नयाँ गठबन्धन बनेसँगै मन्त्रीपरिषद् गठनको तयारी, एमालेबाट गिरी र रास्वपाबाट रवि मन्त्री बन्ने
प्रकाशित मिति : फाल्गुन २०, २०८० आईतबार
नेपाली कांग्रेस नेतृत्वको सत्ता गठबन्धन भत्किएर नयाँ समिकरण बनेको छ । नयाँ समिकरणमा नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी (रास्वपा) र जनता समाजवादी पार्टी (जसपा) छन् ।
नेकपा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डकै नेतृत्वमा आजै नयाँ मन्त्रीपरिषद् गठन गर्ने तयारी गरिएको छ ।
नयाँ मन्त्रिपरिषद्मा एमाले, माओवादी केन्द्र, रास्वपा र जसपाबाट एकरएक जना मन्त्री बन्दैछन्। रास्वपाबाट सभापति रवि लामिछाने र एमालेबाट संसदीय दलका प्रमुख सचेतक पदम गिरी मन्त्री बन्ने पक्कापक्की बनेको छ । यस्तै, जसपाबाट उपेन्द्र यादव आफैं मन्त्री बन्ने सम्भावना देखिएको छ ।