नयाँ वर्ष – २०८१ मा १७ दिन विवाहको लगन : मंसिरमा एक, माघ दुई दिन मात्रै
प्रकाशित मिति : माघ २६, २०८० शुक्रबार
![](https://i0.wp.com/www.khasokhas.com/wp-content/uploads/2024/02/married.jpg?fit=1024%2C586&ssl=1)
नेपाल पञ्चाङ्ग निर्णायक समितिले आगामी वर्ष २०८१ का लागि १५ वटा पात्रोलाई प्रकाशनको स्वीकृति दिएको छ । आगामी वर्ष २०८१ मा विवाहको लगन १७ दिन मात्रै परेको छ । विवाहको महिना मानिने मंसिरमा भने एक दिनमात्रै साइत परेको छ । सबै भन्दा धेरै फागुन महिनामा परेको छ ।
हाम्रो पात्रोका अनुसार बैशाखमा ६ र ७ गते गरी २ दिन विवाहमूहूर्त छ भने असारमा २७, २८, ३० र ३१ गते ४ दिन मात्रै विवाहको लागि साइत परेको छ । मंसिरमा भने एक दिनमात्रै बिहेको साइत छ । मंसिर महिनामा ८ गते मात्रै विवाहमूहूर्त छ ।
यस्तै, माघमा दुई दिन मात्रै विवाहको लागि साइत परेको छ । माघ ४ र २५ गते विवाह गर्नको लागि साइत जुर्छ । यस्तै, सबैभन्दा धेरै लगन फागुन महिनामा परेको छ । फागुन १, ६, ८, ९, १३, २२, २३ र २८ गते गरि ८ दिन लगन जुरेको छ ।
व्रतबन्धको साइत दश दिन
आगामी वर्ष व्रतबन्धका लागि दश दिन साइत जुरेको छ । वैशाखमा ६ गते, माघमा २, ३, १८ र २५ गते साइत जुरेको छ । यस्तै, फागुनमा २ र २६ गते र चैतमा ३, १८ र २५ गते व्रतबन्धको लागि उपयुक्त समय छ ।