आईसीसी यू-१९ विश्वकप : अफगानिस्तानलाई हराउँदै नेपाल सुपर सिक्समा
प्रकाशित मिति : माघ १२, २०८० शुक्रबार
जारी आईसीसी यू १९ विश्वकप क्रिकेट २०२४ मा अफगानिस्तानलाई हराउँदै नेपाल सुपर सिक्समा पुगेको छ । समूह चरणको अन्तिम खेलमा शुक्रबार अफगानिस्तान माथि १ विकेटको जित निकाल्दै विश्वकपको सुपर सिक्स चरणमा प्रवेश गरेको हो ।
अफगानिस्तानले दिएको १४६ रनको लक्ष्य नेपालले ४४ दशमलब ४ ओभरमा ९ विकेट गुमाएर पूरा गर्यो ।
नेपालका कप्तान देव खनालले ८९ बलमा ७ चौकासहित सर्वाधिक ५८ रनको कप्तानी इनिङ खेले । नेपालका ओपनर अर्जुन कुमाल १०, गुलशन झा १ र विपिन रावल २ रनमा आउट भएका थिए ।