फ्रान्स हिंसा : राष्ट्रसंघको कडा टिप्पणी, २ हजार सवारीसाधन जलेर खरानी, ८७५ जना पक्राउ
प्रकाशित मिति : असार १५, २०८० शुक्रबार
FRANCE-POLICE-CRIME
फ्रान्समा विगत तीन दिनदेखि जारी हिंसाबारे संयुक्त राष्ट्रसंघको मानवअधिकार निकायले शुक्रबार कडा टिप्पणी गरेको छ ।
मानव अधिकार एजेन्सीले यो गोलीबारीले फ्रान्सले आफ्नो कानून र व्यवस्था एजेन्सीहरूमा व्याप्त नस्लवाद सम्बन्धी चुनौतीको सामना गर्नुपर्ने देखाएको बताएको छ।
यसैबीच, जेनेभामा, संयुक्त राष्ट्र संघका प्रवक्ता रविना शामदासानीले फ्रान्सेली अधिकारीहरूले पुलिसले प्रयोग गरेको बल प्रयोग कानुनी, निष्पक्ष र गैर भेदभावपूर्ण हो भनेर सुनिश्चित गर्नुपर्ने बताएकी छिन्।
फ्रान्समा विगत तीन दिनदेखि जारी हिंसा र आगजनीका घटनामा अहिलेसम्म दुई हजार सवारीसाधन जलाइएको छ । ४९२ घरमा क्षति पुगेको छ ।
समाचार एजेन्सी एएफपीका अनुसार हिजो राति नै आगजनीका ३८०० घटना दर्ता भएका छन् । योसँगै हालसम्म ८७५ जना पक्राउ परेका छन् । हिंसा र आगजनीका घटनाहरू फ्रान्सको राजधानी पेरिसभन्दा बाहिर धेरै शहरहरूमा फैलिएका छन्।
फ्रान्स सरकारले यो हिंसालाई रोक्न ४० हजार प्रहरी परिचालन गरेको छ ।यससँगै सबै सहरमा कर्फ्यू लगाइएको छ । फ्रान्सको मार्सेली सहरमा साँझ ७ बजेदेखि सार्वजनिक विरोध प्रदर्शनमा प्रतिबन्ध लगाइएको छ ।
फ्रान्सेली राष्ट्रपति इमानुएल म्याक्रोन ब्रसेल्समा युरोपेली मुलुकहरुको बैठक छोडेर पेरिस फर्किएका छन् । केहि समय अघि म्याक्रोन र फ्रान्सेली प्रधानमन्त्री एलिजाबेथ बोर्न बीच आपतकालीन बैठक भएको थियो।