अस्ट्रियाको राजधानी भियना बस्नयोग्य उत्कृष्ट शहर, शीर्ष १० मा कुन-कुन ?
प्रकाशित मिति : असार ७, २०८० बिहीबार
अस्ट्रियाको राजधानी भियना यस वर्ष बस्नका लागि उत्कृष्ट शहर घोषित भएको छ । द इकोनोमिस्ट इन्टेलिजेन्स युनिटले ‘ग्लोबल लाइभबिलिटी इन्डेक्स २०२३’ शीर्षकको तथ्यांक सार्वजनिक गरेको छ, जसले बस्नका लागि सबैभन्दा राम्रो र नराम्रो सहरहरूको सूची सार्वजनिक गरेको छ।
यो तथ्याङ्क स्वास्थ्य प्रणाली, संस्कृति, स्थिरता र वातावरणलगायत विषयवस्तुको आधारमा तयार गरिएको हो।
शीर्ष १० मा कुन कुन शहर ?
‘ग्लोबल लाइभबिलिटी इन्डेक्स २०२३’ द्वारा जारी गरिएको सूची अनुसार शीर्ष १० शहरहरूमा क्यानाडाका अधिकतम तीन शहरहरू, अष्ट्रेलिया र स्विट्जरल्याण्डका दुई-दुई शहरहरू समावेश छन्।
बस्नका लागि भियना सबैभन्दा उत्कृष्ट सहर हो भने डेनमार्कको राजधानी कोपनहेगन दोस्रो नम्बरमा छ । यो सूचीमा अस्ट्रेलियाको मेलबर्न तेस्रो र सिड्नी चौथो स्थानमा रहेको छ भने क्यानडाको भ्यानकुभर पाँचौं स्थानमा छ ।
छैटौंमा स्वीजरल्याण्ड जुरिच, सातौंमा क्यानाडाको क्यालगरी, आठौंमा स्विजरल्याण्डकै जेनेभा छ भने नवौंमा क्यानाडाको टोरन्टो र दशौंमा जापानको ओसाका परेको छ ।
सर्वेक्षणका अनुसार जहाँ एकतर्फ एशिया–प्रशान्त सहरको प्रगति भएको छ । यसैबीच, पश्चिमी युरोपेली शहरहरू २०२३ मा र्याङ्किङ तल झरेका छन्। सबैभन्दा खराब अवस्था युद्धग्रस्त युक्रेनको राजधानी किभको छ।
यो वर्ष १७३ सहरको सूचीमा कीभ १६५ औँ स्थानमा रहेको छ भने २०२२ मा रुसको मस्को सहर ९६औँ स्थानमा झरेको र यो वर्ष मस्कोले आफ्नो स्थान कायम राखेको छ ।
सिरियाको राजधानी दमास्कस बस्नका लागि सबैभन्दा खराब सहरको सूचीमा पहिलो स्थानमा छ भने लिबियाको राजधानी त्रिपोली १७२औँ स्थानमा छ।