अमेरिकी राष्ट्रपति बाइडेन र भारतीय प्रधानमन्त्री मोदीबीच कुन-कुन विषयमा छलफल हुँदैछ ?
प्रकाशित मिति : असार ५, २०८० मंगलबार
भारतीय प्रधानमन्त्री नरेन्द्र मोदी अमेरिकाको राजकीय भ्रमणमा छन् । उनको यो भ्रमणले भारत–अमेरिका सम्बन्धलाई थप प्रगाढ बनाउने विश्वास लिइएको छ । ह्वाइट हाउसले प्रधानमन्त्री मोदी र अमेरिकी राष्ट्रपति जो वाइडेनबीच विभिन्न विषयमा अर्थपूर्ण र ठोस वार्ता हुने बताएको छ ।
ह्वाइट हाउसका प्रवक्ता जोन किर्बीले दुई नेताबीचको वार्ताले जनता–जनताबीचको सम्बन्धलाई विकास गर्ने र भविष्यमा दुई देशबीचको सम्बन्धलाई थप मजबुत बनाउने बताए ।
जोन किर्बीले भने – ‘हामीले कोभिड-१९ को सन्दर्भमा भारतलाई कडा रूपमा सहयोग गरेका छौं। दुई नेताबीच जलवायु संकट र जलवायु परिवर्तनलाई कसरी सम्बोधन गर्ने भन्ने विषयमा छलफल हुनेछ ।’
किर्बीले दुई नेताले जनता–जनताबीचको सम्बन्धलाई सुदृढ र प्रगाढ बनाउनमा पनि ध्यान दिने बताए । उनले भविष्यमा युवाले मात्रै दुवै देशको नेतृत्व गर्ने बताए । किर्बीले भने- ‘हामी वृद्धि, विकास, आपसी समझदारीलाई कसरी बलियो बनाउन सक्छौं भन्ने कुरा सुनिश्चित गर्न चाहन्छौं।’
पीएम मोदी जुन २१ मा संयुक्त राष्ट्र मुख्यालयमा योग दिवस समारोहमा सहभागी हुनेछन्। यसपछि उनी वासिङ्टन डिसी जानेछन् र २२ जुनमा ह्वाइट हाउसमा उनको न्यानो स्वागत गरिनेछ । यससँगै उनले अमेरिकी राष्ट्रपति बाइडेन र प्रथम महिला जिल बाइडेनसँग डिनर गर्ने छन् ।