जनवरी २० सम्म चुनावको नतिजा नआए अमेरिकाको कार्यवाहक राष्ट्रपति पेलोसी
प्रकाशित मिति : भाद्र १२, २०७७ शुक्रबार
आगामी जनवरी २० सम्म पनि राष्ट्रपति चुनावको नतिजा नआएमा अमेरिकाको कार्यवाहक राष्ट्रपति न्यान्सी पेलोसी हुने न्युजर्सी सुपरेरियर कोर्टका पूर्व न्यायाधिस तथा कानुनविद एन्ड्रयु नेपोलिटानोले बताएका छन् । उनले भनेका छन् – ‘२०२० को अमेरिकी राष्ट्रपति चुनावको नतिजा ढिलो भएमा न्यान्सी पेलोसीले स्वत कार्यवाहक राष्ट्रपतिको जिम्मा लिनेछिन् ।’
वर्तमान राष्ट्रपति डोनाल्ड ट्रम्पको अवधि सन् २०२१ को जनवरी २० को मध्यान्हमा समाप्त हुनेछ । त्यतीन्जेलसम्म इलेक्टोरल कलेजले ट्रम्प वा जो बाइडेनलाई नयाँ राष्ट्रपति चुन्न नसकेमा हाउस स्पीकर स्वत कार्यवाहक राष्ट्रपति बन्ने नियम रहेको छ । ट्रम्पसँगै उपराष्ट्रपतिको कार्यकालपनि सकिने भएकाले राष्ट्रपति वा उपराष्ट्रपति दुबैको रिक्ततामा हाउस स्पीकार नै कार्यवाहक राष्ट्रपति बन्न पाउँछन् ।
अमेरिकामा कोरोनाको महामारीका कारण यसपटक चुनावको नतिजा केही ढिलो हुने अनुमान गरिएको छ । हुलाकमार्फत समेत मतदान धेरै हुने भएकाले मतगणनामा समेत समय लाग्नेछ ।
कानुनविद नेपोलिटानोले भने – ‘हाउसमा डेमोक्र्याट्सहरुको बहुमत कायमै रहने देखिन्छ । यो अवस्थामा उनीहरुले न्यान्सी पेलोसीलाई स्पीकर छनौट गरेमा र जनवरी २० सम्म पनि चुनावी नजित नआएमा पेलोसी नै अमेरिकाको कार्यवाहक राष्ट्रपति हुनेछिन् ।’
डेमोक्र्यासहरुले बहुमत प्राप्त गरेमा स्पीकरमा अरु कसैलाई चुन्न पनि सक्नेछन् । त्यस्तै हाउसमा रिपब्लिकनको बहुमत आएमा पनि उनीहरुले नयाँ स्पीकर चुन्नेछन् । सामान्य अर्थमा भन्दा जनवरी २० सम्म इलेक्टोलर कलेजले नयाँ राष्ट्रपति चुन्न नसके अमेरिकी हाउसको स्पीकार जो हुन्छ, उही नै कार्यवाहक अमेरिकी राष्ट्रपति हुनेछ ।
इलेक्टोरल कलेजले राष्ट्रपति छान्न नसकेको खण्डमा हाउसको जसको बहमत छ उसकै दलको व्यक्ति सन् २०२५ को जनवरी २० सम्म राष्ट्रपति हुनसक्ने प्रावधान रहेको छ । अमेरिकी इतिहासमा पहिले पनि यस्तो भएको जनाइएको छ । थोमस जेफर्सन त्यसरी नै अमेरिकाको राष्ट्रपति चुनिएका थिए ।
अमेरिकी संविधानको धारा २२ को सेक्सन १ को प्रावधान ५ मा राष्ट्रपतिका सन्दर्भमा विभिन्न प्रावधानहरु राखिएको छ । अमेरिकी राष्ट्रपति हुनका लागि अमेरिकामा जन्मिएको हुनुपर्ने, कम्तीमा ३५ बर्ष उमेर पुगेको हुनुपर्ने र कम्तीमा १४ बर्ष अमेरिकामा नै बसोबास गरेको हुनुपर्ने प्रावधान रहेको छ ।
