KHASOKHAS ON GOOGLE NEWS Fact Checking Stories of Hope Resource Center Donate to Khasokhas KHASOKHAS MAGAZINE Terms of Service/Privacy Policy (English)

अमेरिकामा परीक्षणमा रहेको मोडेर्नाको भ्याक्सिन चुनाव अगाडि नआउने

प्रकाशित मिति : श्रावण ३०, २०७७ शुक्रबार

अमेरिकामा अन्तिम चरणको बृहत परीक्षणमा रहेको मोडेर्नाको भ्याक्सिनको नतिजा नोभेम्बर ३ मा हुने अमेरिकी राष्ट्रपति चुनावभन्दा अगाडि नआउने भएको छ । मोडेर्नाको भ्याक्सिनका प्रमुख अनुसन्धानकर्ता डाक्टर इभान एन्डरसनले यसको खुलासा गरेका हुन् ।

मोडेर्ना अमेरिकामा कोरोनाबिरुद्धको भ्याक्सिनको तेश्रो चरणको बृहत परीक्षण सुरु गर्ने पहिलो कम्पनी हो । यो परीक्षण ३० हजारमा सुरु भइरहेको छ । तीस हजारलाई नै भ्याक्सिनका डोजहरु दिन आगामी सेप्टेम्बरसम्म लाग्ने एन्डरसनको भनाई छ ।

भ्याक्सिनको बालबालिकामा प्रभावकारिता परीक्षण गर्न समय लाग्ने बताइएको छ । उनीहरुलाई भ्याक्सिन दिन सुरक्षित भए नभएको निर्धारण गर्न अलिक लामो समय लाग्ने भएकाले नोभेम्बर ३ अगाडि नै भ्याक्सिन आउन सम्भव नदेखिएको हो ।

अमेरिकन कम्पनी फाइजरले पनि जर्मन कम्पनी बायोएनटेकसँग मिलेर भ्याक्सिनको परीक्षण गरिरहेको छ । त्यस्तै बेलायतको आष्ट्राजेनेका कम्पनीले पनि भ्याक्सिनको परीक्षण गरिरहेको छ । यी कुनै पनि भ्याक्सिन नोभेम्बरभन्दा अगाडि आउने सम्भावना देखिएको छैन ।

यसैबीच रसियाले बनाएको भनिएको भ्याक्सिनको तेश्रो चरणको परीक्षण हुने भएको छ । रसियाले तेश्रो चरणको परीक्षण विना नै भ्याक्सिनलाई स्वीकृति दिएको थियो । तर भ्याक्सिनबारे आशंका बढेपछि अक्टोबरबाट तेश्रो चरणको परीक्षण फिलिपिन्समा गरिने भएको छ ।

रसियन भ्याक्सिनले अर्कोबर्षको मेसम्ममा परीक्षण पूरा गरेर आम प्रयोगका लागि आउने अपेक्षा गरिएको छ । फिलिपिन्सका राष्ट्रपतिले तेश्रो चरणको परीक्षण सफल नभएसम्म भ्याक्सिन नलगाउने बताएका छन् ।

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com