अमेरिकामा मिथानोल मिसिएको सेनिटाइजर पिउने १५ जना अस्पताल भर्ना, ४ को मृत्यु
प्रकाशित मिति : श्रावण २२, २०७७ बिहीबार
अमेरिकामा मिथानोल मिसिएको विशाक्त ह्याण्ड सेनिटाइजर पिउने १५ जना अस्पतालमा भर्ना भएका छन् । सीडीसीका अनुशार उनीहरुले काठबाट बनेको अक्लोहोल मिथानोल मिसिएको विशाक्त सेनिटाइजर पिएका थिए ।
अमेरिकामा एफडीएएले एससयभन्दा बढी प्रकारका सेनिटाइजरलाई घातकको सुचीमा राखिसकेको छ । गत जुन महिनादेखि मिथानोल मिसिएका सेनिटाइजरको सुची प्रकाशन गर्न थालेकोमा अहिले एकसयभन्दा बढी प्रकारका घातक सेनिटाइजरहरु पहिचान भइसकेको छ ।
सीडीसीले इथानोल वा इसोप्रोपानोल भएका सेनिटाइजरमात्र प्रयोग गर्न सुझाव दिएको छ । ती पनि अक्लोहोलका प्रकार भएपनि मिथानोल भने होइनन् । यद्यपी कुनै पनि प्रकारका सेनिटाइजरका मादक पदार्थका रुपमा सेवन गर्न निषेध गरिएको छ ।
न्यु मेक्सिको र एरिजोनामा १३ बर्षदेखि ४३ बर्षसम्मका १५ व्यक्ति मिथानोल मिसिएको सेनिटाइजर पिएका कारण अस्पताल भर्ना भएकोमा ४ जनाको मृत्यु भएको छ । अन्य तीनजना आँखा नदेख्ने भएका छन्, जसलाई मिथानोलको साइड इफेक्टका रुपमा लिइएको छ ।
सेनिटाइजर पिएका केहीमा पेटमा समस्या आएको थियो भने केहीमा देख्नमा समस्या आएको थियो । केही व्यक्ति अचेत समेत भएका थिए । मिथानोल मिसिएको सेनिटाइजर प्रयोग समेत नगर्न चेतावनी दिइएकाले कसैले प्रयोग गरेमा तुरुन्तै स्वास्थ्य संस्थामा जान सुझाव दिइएको छ ।