अफ्रिकामा कोरोनाबाट नेपालीको निधन, २२ जना संक्रमित
प्रकाशित मिति : श्रावण २०, २०७७ मंगलबार
अफ्रिकी महादेशको दक्षिण अफ्रिकास्थित जोहान्सबर्गमा कोरोनाबाट एक नेपाली युवाको निधन भएको पुष्टि भएको छ ।
पांचथर घर भएका ३४ वर्षीय नियालसन बोखिम लिम्बुको निधन कोरोनाका कारण भएको एनआरएनए भाषा, साहित्य, संस्कृति तथा सम्पदा समितिका अध्यक्ष हिक्मत थापाले जानकारी दिएका छन् ।
मृतक लिम्बु वासिङ पाउडर बनाउने कारखानामा सेक्युरिटी सुपरभाइजरको रुपमा कार्यरत थिए ।
अहिले दक्षिण अफ्रिका, नाइजेरिया, इजिप्ट र आइभोरी कोस्टमा नेपालीहरु संक्रमित हुने क्रम बढेको जनाइएको छ ।
हालसम्म अफ्रिकामा २२ नेपाली संक्रमित भएकामा १० जना निको भएर डिस्चार्ज भइसकेका छन् । हाल ११ जनाको उपचार भैरहेको छ ।