Follow @khasokhasmag

साप्ताहिक ६ सय एकसाताका लागिमात्र बढाउने ह्वाइट हाउसको प्रस्ताव डेमोक्र्याट्सबाट अस्वीकार


प्रकाशित मिति : श्रावण १६, २०७७ शुक्रबार

काम गुमाएकाहरुलाई बेरोजगारी विमा वा महामारी बेरोजगारी सहायताका अतिरिक्त साप्ताहिक ६ सय डलर दिने प्रावधान अस्थायी रुपमा बढाउन ह्वाइट हाउसले गरेको प्रस्ताव डेमोक्र्याट्सहरुले अस्वीकार गरेका छन् । डेमोक्रेटिक सांसदहरु यो प्रावधान अस्थायी रुपमा नभई आगामी जनवरीसम्म नै बढाउनुपर्ने पक्षमा छन् ।

साप्ताहिक ६ सयको प्रावधान शुक्रबार समाप्त भइसकेको छ । गत अप्रिलको पहिलोसातादेखि जुलाईको अन्तिम सातासम्म बेरोजगारी विमा वा महामारी बेरोजगारी सहायताका अतिरिक्त साप्ताहिक ६ सय डलर प्रदान गरिएको थियो ।

साप्ताहिक ६ सय डलरको प्रावधान अस्थायी रुपमा बढाएर हिल्स एक्टलाई स्वीकार गर्न ह्वाइट हाउसले गरेको प्रस्ताव हाउस स्पीकर न्यान्सी पेलोसी र सिनेटमा डेमोक्रेटिक नेता चक शुमरले अस्वीकार गरेका छन् । रिपब्लिकनहरुले बृहतरुपमा समाधानका लागि अवस्थालाई बुझ्न नसकेको भन्दै उनीहरुले यो प्रस्ताव अस्वीकार गरेका हुन् ।

ह्वाइट हाउसका चिफ अफ स्टाफ मार्क मेडोज र ट्रेजरी सेक्रेटरी स्टेभन मन्चिनसँग आफू र पेलोसीले गरेको भेटपछि शुमरले आफूहरुले लामो छलफल गरेको तर उनीहरुले समस्याको गुरुत्वलाई बुझ्न नसकेको बताए । आफूहरुले साप्ताहिक ६ सयको अवधि जनवरीसम्म लम्बाउनेगरी बिल पारित गरेको १० हप्ताभइसकेको भन्दै पेलोसीले अगाडि नै सहमतिका लागि नआएकोमा रिपब्लिकन सांसदहरुको निन्दा गरेकी छिन् ।

रिपब्लिकनहरुले साप्ताहिक ६ सय डलर एकसाताकोमात्र बढाउने प्रस्ताव गरेको र उक्त प्रस्ताव अर्थहिन भएको पेलोसीले बताइन् । राष्ट्रपति डोनाल्ड ट्रम्पले बिहिबार साप्ताहिक ६ सय डलर अस्थायी रुपमा बढाउनेमा डेमोक्र्याट्सहरु सहमत नभएको बताएका थिए ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com