विश्व स्वास्थ्य संगठन : चीनले दुई अर्ब डलर दिने, स्थायी रुपमै सहयोग रोक्ने ट्रम्पको चेतावनी
प्रकाशित मिति : जेष्ठ ६, २०७७ मंगलबार
विश्व स्वास्थ्य संगठन डब्लुएचओलाई चीनले दुई अर्ब अमेरिकी डलर सहयोग प्रदान गर्ने भएको छ । सोमबार चिनियाँ राष्ट्रपति सि चिन फिङले सो रकम दुई बर्षभरीमा कोरोनाभाइरस विरुद्ध लड्नका लागि प्रदान गर्ने निर्णय भएको बताएका हुन् ।
सोमबार नै अमेरिकी राष्ट्रपति डोनाल्ड ट्रम्पले ३० दिनभित्र विश्व स्वास्थ्य संगठन ले मुख्य सुधारको प्रतिबद्धता नजनाए अमेरिकाले विश्व स्वास्थ्य स्वास्थ्य संगठनसँगको आवद्धता परित्याग गर्ने चेतावनी दिएका छन् । साथै विश्व स्वास्थ्य संगठनलाई अमेरिकी सहयोग सधैका लागि रोक्ने चेतावनी दिएका छन् ।
This is the letter sent to Dr. Tedros of the World Health Organization. It is self-explanatory! pic.twitter.com/pF2kzPUpDv
— Donald J. Trump (@realDonaldTrump) May 19, 2020
सोमबार राती विश्व स्वास्थ्य संगठनका नाममा एउटा पत्र ट्वीट गर्दै ट्रम्पले विश्व स्वास्थ्य संगठन कोरोनाबिरुद्धको प्रारम्भिक कदममा असफल रहेको बताएका छन् । उनले विश्व स्वास्थ्य संगठनका डाइरेक्टर जनलर चीनप्रति निकै नरम भएको आरोप लगाएका छन् ।
ट्रम्पले गत अप्रिलमा विश्व स्वास्थ्य संगठनलाई प्रदान गर्ने रकम ६० दिनका लागि अस्थायीरुपमा रोक्ने निर्णय गरेका थिए । विश्व स्वास्थ्य संगठनले ३० दिनभित्र कस्ता परिवर्तन ल्याउनपर्ने भन्नेबारे भने ट्रम्पले केही बताएका छैनन् । तर विश्व स्वास्थ्य संगठन र अमेरिकाबीच छलफलको प्रकृया सुरु भइसकेको बताएका छन् ।