सरकार तपाईहरुसँगै छ, चिन्तित नहोऔँ : प्रधानमन्त्री
प्रकाशित मिति : चैत्र १३, २०७६ बिहीबार
प्रधानमन्त्री केपी ओलीले विश्वव्यापी महामारीको रुपमा फैलिएको कोरोना (कोभिड–१९)को उपचारमा संलग्न चिकित्सक र प्राविधिकलाई सरकार साथमा रहेको बताउनुभएको छ ।
बिहीबार ट्वीट गर्दै प्रधानमन्त्री ओलीले सङ्कटको यो समयमा बिरामीको सेवामा खटिरहेका स्वास्थ्यकर्मीको साथमा सरकार रहेको बताउनुभएको हो । साथै प्रधानमन्त्री ओलीले चिकित्सक तथा स्वास्थ्यकर्मीलाई चिन्तित नहुन आग्रह गर्नुभएको छ ।
प्रधानमन्त्रीको चार सन्देशमा अहिले मौज्दात सामग्रीको प्रयोगबाट परीक्षण र उपचारमा सामेल हुन भनिएको छ । त्यस्तै उहाँले ‘तपाईँहरुकै सिफारिसका थप सामग्रीहरु उपलब्ध हुँदैछन्, धैर्य गर्नु’ पनि भन्नुभएकोे छ ।
प्रधानमन्त्री ओलीकाे चार सन्देश बुँदामा
१ चिकित्सक तथा प्राविधिक साथीहरु हाल मौज्दात सामग्रीको आधिकाधिक प्रयोगबाट परीक्षण र उपचारमा सामेल होऔँ ।
२ तपाईंहरुकै सिफारिसका थप सामग्रीहरु उपलब्ध हुँदैछन् धैर्य गरौँ ।
कोभिड–१९ मानवीय संकटको एकजुट भएर सामना गरौँ ।
४ सरकार तपाईंहरुसँगै छ, चिन्तित नहोऔँ ।
