पेन्सिलभेनियामा ग्रोसरी स्टोरमा आशयपूर्ण खोक्ने महिला पक्राउ, ३५ हजारको सामान फ्याकियो

अमेरिकाको पेन्सिलभेनियामा आशयपूर्ण तरिकाले एक महिलाले ग्रोसरी स्टोरभित्र गएर खोकेपछि कोरोना भाइरसको त्रासका कारण उक्त स्टोरमा रहेको ३५ हजार डलर मूल्य बराबरका खानेकुराहरु फ्याकिएको छ । खोक्नुलाई कोरोना भाइरस फैलिनुको मुख्य तरिकाका रुपमा लिइएको छ । आयशपूर्ण तरिकाले खोक्ने ति महिलालाई अपराधको मुद्दा लगाइने भएको छ ।

ती महिला ह्यानभर टाउनसिपमा रहेको ग्रेटिज सुपरमार्केटमा प्रवेश गरेर प्रोड्युस, बेकरी आइटम, मासु र अन्य खाद्यपदार्थहरुको रहेको स्थानतिर फर्केर बारम्बार खोकेकी थिइन् । कर्मचारीहरुले ती महिलालाई तुरुन्तै स्टोरबाट बाहिर निकालेका थिए । त्यसपछि प्रहरीलाई फोन गरिएको थियो । त्यसको केही घण्टामा प्रहरीले ती महिलालाई पक्राउ गरेर हिराशतमा राखेको छ ।

ती महिलाले आशयपूर्ण तरिकाले खाद्यपदार्थलाई संक्रमित बनाएको र ती महिलाबिरुद्ध अपराधको मुद्दा दायर गरिने ह्यानओभर टाउनसिप प्रहरीले बताएको छ । ती महिलामा कोरोना संक्रमण भए नभएको बारे स्पष्ट छैन तर प्रहरीले यसबारे पत्ता लगाउने बताएको छ ।

पेन्सिलभेनियामा अहिलेसम्म ११२७ जनामा कोरोना संक्रमण पुष्टी भएको छ । संक्रमणबाट ११ जनाको मृत्यु भइसकेको छ ।

Loading...

यसैबीच आशयपूर्ण तरिकाले कोरोना संक्रमण फैलाउनेलाई आतंकबादको मुद्दा चलाउन सकिने अमेरिकाको डिपार्टमेन्ट अफ जस्टिसले जनाएको छ । कार्यवाहक महान्यायाधिवक्ता जेफ्री रोसेनले संघीय कानुन कार्यान्वयन इकाइहरुलाई पठाएको एउटा मेमोमा जानाजान कोरोना संक्रमण फैलाउने कार्यलाई आंतकबाद सम्बन्धित कार्यको रुपमा हेरिने उल्लेख गरेका छन् ।

अमेरिकनबिरुद्ध धम्की र कोभिड १९ लाई अमेरिकनबिरुद्धको हतियारको रुपमा प्रयोग गर्न खोज्ने कार्य सह्य नहुने उनले बताएका छन् । मेमोले संघीय सरकारले लिन चाहेको आक्रमक कदममा जोड दिएको छ । उनले भनेका छन् अमेरिकाकीहरुको संरक्षणका लागि हामीले सकेजति राम्रो गर्नुपर्छ ।

त्यस्तै कार्यवाहक महान्यायाधिवक्ताले कोरोना भाइरसको नाममा विभिन्न ठगीहरु भइरहेको समेत स्पष्ट पारेका छन् । डेलिभरी गर्ने कुनै आशय विना नै मास्कहरु उपलब्ध गराउने भन्दै फोनकल गर्ने र रकम लिएपछि मास्कहरु डेलिभरी नगर्ने ठगहरुको बिगबिगी बढेको उनले बताएका छन् ।

Loading...

त्यस्तै कोरोना भाइरसबारेका नक्कली वेवसाइट र एप्लीकेशनहरु समेत रहेको उनले बताएका छन् । गत साता महान्यायाधिवक्ता विलियम बारले संघीय अभियोजनकर्ताहरुलाई कोरोनाको महामारीका बेलामा हुने ठगीको अनुसन्धानका लागि प्राथमिकता दिन निर्देशन दिए लगत्तै यो नयाँ मेमो आएको हो ।

अमेरिकामा बिहिबार विहानसम्म कोरोना संक्रमितको संख्या ६८ हजार नाघिसकेको छ भने मृतकको संख्या पनि एकहजार नाघेको छ । न्युयोर्कमामात्र कोरोना संक्रमितको संख्या ३३ हजार नाघेको छ ।

भिडियो हेर्नुहोस्


प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com