अमेरिकामा एकजना कैदीलाई घातक सुई लगाएर मृत्युदण्ड
प्रकाशित मिति : फाल्गुन २२, २०७६ बिहीबार
अमेरिकाको अलाबामा रहेका एकजना कैदीलाई आज मृत्युदण्ड दिइएको छ । अमेरिकी सर्वोच्च अदालतले उनको मुद्दाको समीक्षा गर्न अस्वीकार गरेपछि नथानियल वुडलाई बिहीबार राती मृत्युदण्ड दिइएको छ ।
सन् २००४ मा ब्रिमिंघममा तीनजना प्रहरी अधिकारीलाई गोली हानेको आरोप पुष्टी भएपछि मृत्युदण्ड दिइएको हो । उनलाई स्थानीय समय अनुशार बेलुका ६ बजे घातक इन्जेक्सन दिएर मृत्युदण्ड दिइएको हो । होलम्यान जेलमा मृत्युदण्ड दिइएको जनाइएको छ ।
अमेरिकामा यो बर्षको यो नै पहिलो मृत्युदण्ड हो । उनलाई मृत्युदण्ड हुनबाट रोक्न उनका परिवार र अधिकारकर्मीहरुले विभिन्न अभियानहरु चलाएका थिए । तर उनीहरुको त्यस्तो आग्रह अस्वीकार गरिएको छ ।
मृत्युदण्ड पाउने व्यक्ति ४४ बर्षको रहेको जनाइएको छ । अर्का अभियुक्त केरी स्पेन्सरले आफूले प्रहरीमाथि गोली चलाएको तर नथानियल निर्दोश रहेको बताएका थिए । उनले पनि मृत्युदण्डको सजाय पाइसकेका छन् तर मृत्युदण्ड दिइसकिएको छैन ।
अमेरिकामा सन् २०१९ मा २२ जनालाई मृत्युदण्ड दिइएको थियो जसमध्ये २० जनालाई घातक सुई लगाएर र २ जनालाई करेन्ट लगाएर मारिएको थियो ।