अमेरिका : विसकन्सिनमा गोली चल्दा ५ जनाको मृत्यु, ट्रम्पले गरे घटनाको निन्दा
प्रकाशित मिति : फाल्गुन १४, २०७६ बुधबार
अमेरिकाको विसकन्सिनमा गोली चल्दा ५ जनाको मृत्यु भएको छ । मिल्वौकीमा एउटा कम्प्लेक्समा बन्दुकधारीले अन्धाधुन्द गोली चलाउँदा ५ जना कामदारको मृत्यु भएको हो । घटनामा बन्दुकधारी पनि मारिएको जनाइएको छ ।
बन्दुकधारीले आफैले चलाएको गोलीबाट मृत्यु भएका प्रहरीले जनाएको छ । घटनास्थलको परिसरमा दुईवटा बु्रअरीहरु र कर्पोरेट अफिस रहेको छ, जहाँ झण्डै १ हजार जना कार्यरत रहेका थिए । आक्रमणकारी ५१ बर्षको पुरुष भएको जनाइएको छ ।
मारिनेहरु बु्रअरीमा काम गर्नेहरु रहेको जनाइएको छ । आजको यो घटनालाई विसकन्सिनकै इतिहासमा खराब घटनाका रुपमा लिइएको छ ।
राष्ट्रपति डोनाल्ड ट्रम्पको घटनाको निन्दा गर्दै मृतकका परिवारप्रति समवेदना व्यक्त गरेका छन् । घटना लगत्तै प्रहरी पुगेको थियो भने केही हेलिकप्टरहरु पनि घटनास्थलमाथिको आकाशमा उडेका थिए ।
घटनापछि त्यसक्षेत्रका स्कुलहरु बन्द गरिएका छन् । अहिले भने कुनै खतरा नरहेको जनाइएको छ ।