बुक गरेकै सिट नपाएका यात्रुलाई युनाइटेड एयरलाइन्सले दियो ९० हजार डलर
प्रकाशित मिति : फाल्गुन १२, २०७६ सोमबार
बुक गरेकै सिट नपाएका यात्रुलाई युनाइटेड एयरलाइन्सले दियो ९० हजार डलर बराबरको क्षतिपूर्ति दिएको छ । शनिबार नेवार्कबाट हवाई जाने ९ जना यात्रुलाई उनीहरुले बुक गरेको बिजनेश क्लासको सिट दिन नसकेपछि दश हजार डलरका दरले ९० हजार डलर बराबरको क्षतिपूर्ति दिइएको हो ।
११ घण्टा लामो उडानमा युनाइटेड एयरलाइन्सले जहाज परिवर्तन गर्नुपरेपछि बुक गरेकै सिटहरु दिन नसकेको हो । त्यसको सट्टा माइलका रुपमा ९० हजार डलरको भौचर दिइएको हो ।
ती यात्रुहरुले आफूखुशी तल्लो श्रेणीको सिट स्वीकार्न तयार भएका थिए । उनीहरुलाई प्रिमियम प्लसमा राखिएको थियो, जहाँ यात्रुलाई अलिक बढी लेगरुम रहेको थियो ।
यात्रुहरुले सधै आफ्नो अधिकार थाहा पाउँदैनन्, जब उनीहरुलाई बुक गरेको सिट दिइदैन । यदि यात्रुहरुलाई एयरलाइन्सले उथलपुथल पारेमा क्षतिपूर्ति दिनुपर्ने प्रावधान रहदै आएको छ ।
अमेरिकामा कुनै विमानले धेरै टिकट बेचेर अर्को उडानमा राख्नुपरेका कारण आन्तरिक उडानमा एकघण्टाभन्दा लामो समय अवतरणमा ढिलाइ हुने यात्रुहरुलाई एयरलाइन्सले क्षतिपूर्ति दिनुपर्ने प्रावधान रहेको छ । तर यो प्रावधानबारे कैयन यात्रुलाई थाहा नभएका कारण उनीहरु क्षतिपूर्ति लिएका हुँदैनन् । विमानले धेरै टिकट बेचेर अर्को उडानमा राख्नुपरेका कारण एकघण्टाभन्दा लामो समय ढिलो भएमा एकतर्फी भाडाको दोब्बर रकम र बढीमा ६७५ डलरसम्म क्षतिपूर्ति पाउनसक्ने प्रावधान रहेको छ ।
विमानले धेरै टिकट बेचेर अर्को उडानमा राख्नुपरेका कारण आन्तरिक उडानका क्रममा यात्रुले २ घण्टाभन्दा ढिलाई सामना गर्नुपरेमा एकतर्फी भाडाको चारगुणा वा बढीमा १३५० डलरसम्म क्षतिपूर्ति पाउनसक्ने प्रावधान छ ।
विमानले धेरै टिकट बेचेर अर्को उडानमा राख्नुपरेका कारण अन्तर्राष्टिय उडानका क्रममा यात्रुले १ घण्टादेखि ४ घण्टासम्म अवतरणमा ढिलाई सामना गर्नुपरेमा एकतर्फी भाडाको दुईगुणा वा बढीमा ६७५ डलरसम्म क्षतिपूर्ति पाउनसक्ने प्रावधान छ । त्यस्तै ४ घण्टाभन्दा बढी ढिलाई भएमा एकतर्फी भाडाको ४ गुणा वा १३५० डलरसम्म क्षतिपूर्ति पाउने प्रावधान छ ।
यसैबीच युनाइटेड एयरलाइन्सले मार्च ६ देखि पहिलो लगेजमा ५ डलर शुल्क बढाएर ३५ डलर र दोश्रोमा ४५ डलर शुल्क लिने भएको छ । तर २४ घण्टाभन्दा अगाडि नै अनलाइनबाट तिर्नेलाई भने कम शुल्क पर्नेछ ।