अमेरिकाको जर्जटाउन सहरमा कुकुर मेयर !
प्रकाशित मिति : फाल्गुन १०, २०७६ शनिबार
अमेरिकाको जर्जटाउन सहरमा कुकुरलाई मेयर बनाइएको छ । पार्कर नामक कुकुर मेयर बन्न सफल भएको हो । गत बुधबार जर्जटाउन सामुदायिक केन्द्रमा आयोजित विशेष समारोहकाबीच पार्करले सहरको मेयर पदको सपथ ग्रहण गरेको छ ।
गत फेब्रुअरी ११ मा छनोट बोर्डका सदस्यहरुले मतदान मार्फत पार्करलाई सहरको मेयरमा निर्वाचित गरेका थिए ।
मेयरमा निर्वाचित कुकुरलाई न्यायाधीश लिनेट केल्सीले सपथ गराएका थिए । कुकुरको सपथ ग्रहण समारोहमा स्थानीय बासिन्दाहरु तथा कुकुरप्रेमीहरु समेत सहभागी भएका थिए ।
सपथसँगै मेयरको पदभार ग्रहण गर्नका लागि पार्करलाई पूरा पहिरनमा समारोहस्थल लगिएको थियो । समारोहका क्रममा पार्करलाई टाई तथा क्याप र चश्मा लगाइएको थियो । कतिपय कुकुरका तस्वीर इन्स्टाग्राम पेजमा पनि शेयर गरिएका छन् । एजेन्सी,
