अमेरिकी संचारमाध्यमका पत्रकार निष्काशन गरेकोमा अमेरिकी विदेशमन्त्रीले गरे चीनको निन्दा

अमेरिकी संचारमाध्यम वाल स्ट्रीट जर्नलका तीनजना पत्रकारलाई चीनले निष्काशन गरेकोमा अमेरिकाले निन्दा गरेको छ । अमेरिकी विदेशमन्त्री माइक पम्पिओले एक वक्तब्य जारी गर्दै चीनको कदमको निन्दा गरेका हुन् ।

परिपक्व र जिम्मेवार देशहरुले स्वतन्त्र प्रेसले तथ्यहरुको रिपोर्ट गर्ने र राय व्यक्त गर्नेकुरा बुझ्ने बताउँदै पम्पिओले भनेका छन् – ‘यसको सही प्रतिकृया जवाफी प्रतिकृयाबाट गर्नुपर्छ न कि वाक स्वतन्त्रतामा प्रतिबन्ध लगाएर । अमेरिकाले आशा गर्दछ कि चिनियाँ जनताले सही जानकारी र अभिव्यक्ति स्वतन्त्रताको पहुँच प्राप्त गर्न पाउनेछन् जुन अमेरिकीहरूले उपभोग गर्छन्।’

बुधबार मात्र चीनले तीन अमेरिकी पत्रकारलाई पाँच दिनभित्र देश छाड्न आदेश दिएको थियो । अमेरिकाको चर्चित पत्रिका वाल स्ट्रिट जर्नलमा चीनप्रति भर्खरै प्रकाशित विचारका आधारमा ती पत्रकारलाई चीन छाड्न लगाइएको हो ।

माओको शासन कालपछि चीनले एकै मिडियाका यति धेरै विदेशी पत्रकारलाई एकैपटक निष्काशन गरेको पहिलो पटक हो ।

Loading...

निष्काशित हुने पत्रकारमा डेपुटी ब्यूरो प्रमुख जोसेफ चिन, चाओ देङ र फिलिप वेन रहेका छन्। चीन र देङ अमेरिकन नागरिक हुन् भने वेन अस्ट्रेलियन नागरिक भएको जनाईएको छ ।

जर्नलले फेब्रुअरी ३ देखि कोरोनाभाइरसको विषयमा छाप्दै आएको स्तम्भमा चीनका विदेशमन्त्रीले आलोचना गर्दै आइरहेका थिए। स्तम्भ बार्ड कलेजका प्राध्यापक वाल्टर रसेलले ‘चाइना इज द रियल सिक म्यान अफ एसिया’ शीर्षकमा लेख्दै आएका थिए।।

भिडियो हेर्नुहोस्

Loading...


प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com