शिकागोमा सप्ताहन्तभर ११ जना बालबालिकामाथि गोली प्रहार


प्रकाशित मिति : फाल्गुन ५, २०७६ सोमबार

अमेरिकाको शिकागोमा सप्ताहन्तभर ११ जना बालबालिकामाथि गोली प्रहार भएको छ । शुक्रबार एकजना ८ बर्षकी बालिकाले ११ बर्षका बालकलाई गोली हानेकी थिइन् । त्यसपछि सोमबारसम्म विभिन्न घटनामा २५ जनामाथि गोली प्रहार भएको छ, जसमध्ये ११ जना बालबालिकाहरु रहेका छन् ।

सप्ताहन्तभर भएका यी घटनामा ३ जनाको मृत्यु भएको छ । यी घटनाहरु शुक्रबार बेलुका ६ बजेदेखि सोमबार विहान ६ बजेसम्म शिकागोभित्र भएका हुन् ।

शुक्रबार विहान ८ बजे एकजना ८ बर्षकी बालिकाले बन्दुक चलाउँदा ११ बर्षका बालक घाइते भएका थिए । शनिबार विभिन्न घटनामा ६ जना बालबालिकाहरुमाथि गोली प्रहार भयो ।

आइतबार दुईजना र सोमबार विहान एकजना बालबालिकामाथि गोली प्रहार भएका घटनाहरु सार्वजनिक भएका छन् ।

उनीहरुको विभिन्न अस्पतालमा उपचार भइरहेको छ । घाइतेमध्ये एकजना ८ बर्षका बालक समेत रहेका छन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com