अफगानिस्तानको ब्यारकभित्रै २१ बर्षका अमेरिकी सेनाको रहस्यमय मृत्यु
प्रकाशित मिति : फाल्गुन १, २०७६ बिहीबार
२१ बर्षका अमेरिकी सेना ब्राण्डन किम्बलको अफगानिस्तानको ब्यारकभित्रै रहस्यमय मृत्यु भएको छ । उनको मृत्यु युद्ध वा हतियार सम्बन्धित नभएको बताइएको छ तर के कारणले मृत्यु भएको हो भन्नेबारे केही खुलाइएको छैन ।
किम्बलको मृत्यु अमेरिकी सरकारको रक्षा मन्त्रालयले पुष्टी गरेको छ । घटनाबारे अनुसन्धान भइरहेको सैन्य अधिकारीले जानकारी दिएका छन् ।
किम्बलले थर्ड बटालियन, टेन्थ एभियसन रेजिमेन्ट, न्युयोर्कको फोर्टडम बाहिरको टेन्थ कम्ब्याट एभियसन बिग्रेडमा समेत काम गरेका थिए । उनी सन् २०१६ देखि अमेरिकी सेनामा कार्यरत रहदै आएका थिए ।
उनको मृत्यु फरबरी १२ मा अफगानिस्तानको बागरम एयरफिल्डमा भएको हो । उनी ओरेगनका रहेको जनाइएको छ ।
उनको मृत्युप्रति दुख व्यक्त गर्दै अमेरिकी सेनाका तर्फबाट शोकाकुल परिवारजनमा समवेदना व्यक्त गरिएको छ ।