२०२ मिलियन डलरको मेगा मिलियन लोटरी न्युजर्सीमा


प्रकाशित मिति : माघ २९, २०७६ बुधबार

मंगलबारको २०२ मिलियन डलरको मेगा मिलियन लोटरी न्युजर्सीमा परेको छ । मिडलसेक्स काउन्टीमा रहेको स्टोरबाट बिक्रि भएको लोटरीले २०२ मिलियन डलर जितेको हो ।

मंगलबार मेगा मिलियन एउटै टिकटले जितेको र सबै कर काटेर विजेताले १४२ मिलियन डलर प्राप्त गर्नेछन् । मंगलबारको विजेता नम्बर ४, ६, ३२, ५२ र ६४ थियो भने मेगा बल ६ रहेको थियो ।

५ वटा नम्बर मिलाएर वेष्ट भर्जिनियामा १ मिलियन डलर जितेका छन् । मंगलबारको मेगा मिलियन विजेता सन् २०२० को यति धेरै रकम जित्ने पहिलो विजेता हुन् ।

यसअगाडि गत डिसेम्बर १७ मा ओहायोमा ३७५ मिलियन डलर जितेका थिए । उक्त लोटरी ट्रस्टले दावी गरेको थियो भने १ सय ८२ मिलियन डलर प्राप्त गरेको थियो ।

न्युजर्सीमा भने मेगा मिलियन ज्याकपट जितेको गतबर्षको मार्च १ यता पहिलो हो । त्यतीबेला वारेन काउन्टीका एकजनाले २७३ मिलियन डलर जितेका थिए ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com