न्युयोर्कमा कागजपत्रविहिनलाई नियन्त्रणमा लिन गोली प्रहार
प्रकाशित मिति : माघ २३, २०७६ बिहीबार
न्युयोर्कमा आज विहान कागजपत्रविहिनलाई नियन्त्रणमा लिनकालागि इमिग्रेशन एण्ड कस्टम इन्फोर्समेन्ट आइसका अधिकारीहरुले गोली चलाएका छन् । उनीहरुले न्युयोर्कको ब्रुकलिनमा एकजना निशस्त्र व्यक्तिमाथि गोली चलाएका हुन् ।
आइसका अधिकारीहरुले ती व्यक्तिको अनुहारमा गोली हानेको जनाइएको छ । घरबाहिर रहेका ती आप्रवासी विगतमा दुईपटक अमेरिकाबाट देशनिकाला गरेर मेक्सिको पठाइएका व्यक्ति थिए ।
ती व्यक्तिको अहिले अस्पतालमा उपचार भइरहेको छ । ती व्यक्तिले आइसका अधिकारीहरुमाथि भौतिक आक्रमण गर्नुपरेको आइसले जनाएको छ ।
ती व्यक्ति सन् २०११ मा न्युयोर्कमा भएको एउटा हमलामा दोषी पाइएका थिए । गत फरबरी ३ मा न्युयोर्क प्रहरीले उनलाई पक्राउ गरेको थियो ।
त्यसपछि आइसले उनलाई नियन्त्रणमा लिन खोजेको थियो । तर स्थानीय हिराशतबाट उनलाई आइसको जिम्मा नलगाई त्यत्तिकै छाडिएको थियो ।