अमेरिकामा ४३ यात्रु चढेको ग्रेहाउण्डबसमा अन्धाधुन्द गोली प्रहार, एकको मृत्यु, कैयन घाइते
प्रकाशित मिति : माघ २०, २०७६ सोमबार
Investigators are seen outside of a Greyhound bus after a passenger was killed on board on Monday, Feb. 3, 2020 in Lebec, Calif. A gunman killed one passenger and wounded multiple others on a Greyhound bus traveling from Los Angeles to the San Francisco Bay Area early Monday morning, the California Highway Patrol said. (AP Photo/Jayne Kamin-Oncea)
अमेरिकाको क्यालिफोर्नियामा ४३ यात्रु चढेको ग्रेहाउण्ड बसमा एकजना बन्दुकधारीले अन्धाधुन्द गोली प्रहार गरेका छन् । सोमबार विहान भएको उक्त घटनामा एकजना मृत्यु भएको छ भने ५ जना घाइते भएका छन् ।
क्यालिफोर्नियाको ग्रेपभाइनमा बन्दुकधारीले अन्धाधुन्द गोली प्रहार गरेपछि यात्रुहरुले बहादुरीपूर्वक प्रतिबाद गरेका थिए । जसका कारण बन्दुकधारीले बन्दुक छाडेर भाग्न खोजेको थियो । यात्रुको प्रतिवादका कारण थप क्षति हुन पाएन ।
गोली प्रहारबाट कोलम्बियाकी ५१ बर्षकी महिलाको निधन भएको छ । बन्दुकधारी र मृतक तथा घाइतेबीच कुनै सम्बन्ध नरहेको बताइएको छ । घटना आतंकवादसँग सम्बन्धित नभएको जनाइएको छ ।
बन्दुकधारीले प्रहरीले नियन्त्रणमा लिइसकेको छ । बन्दुकधारी लस एन्जलसबाट बसमा चढेको जनाइएको छ ।
बस स्टेशनमा बसमा चढाउनुअगाडिको सुरक्षा जाँचबारे ग्रेहाउण्ड बसले केही बताएको छैन । तर मृतक र घाइतेहरुप्रति सहानुभूति व्यक्त गरेको छ ।