टेक्सासको कलेजको छात्रावासमा गोली चल्यो, दुईको मृत्यु, १० बर्षका बालक घाइते
प्रकाशित मिति : माघ २०, २०७६ सोमबार
टेक्सासको कलेजको छात्रावासमा गोलीचल्दा दुईजनाको मृत्यु भएको छ भने एकजना बालक घाइते भएका छन् । टेक्सास ए एण्ड एम युनिभर्सिटी कमर्शको आवासीय हलमा गोली चलेको हो ।
गोली लागेर घाइते १० बर्षका बालकको उपचार भइरहेको छ । उनको अवस्था स्थीर रहेको चिकित्सकहरुले बताएका छन् ।
स्थानीय समय अनुशार आज विहान सबा १० बजे गोली चलेको थियो । गोली चलेपछि आजका सबै कक्षाहरु रद्द गरिएका थिए ।
मृतकहरु विद्यार्थी भए नभएकोबारे केही बताइएको छैन । अरु कुनै जोखिम नभएको बताइएपनि गोली चल्नुको उद्देश्यबारे केही भनिएको छैन ।
सन् २०१६ को अगस्तसम्म वैध हातेबन्दुक राखेकाहरुलाई क्याम्पसको हाताभित्र विभिन्न क्षेत्रमा बन्दुक बोक्न अनुमति दिइएको छ । क्याम्पसको छात्राबासमा समेत यस्ता बैध हाते बन्दुकहरु राख्न अनुमति दिइएको छ ।