अमेरिकाको हवाईमा गोली चल्यो, कम्तीमा २ प्रहरीको मृत्यु, ४ घरमा आगजनी
प्रकाशित मिति : माघ ५, २०७६ आईतबार
अमेरिकाको हवाईको होनोलुलुमा गोली चल्दा कम्तीमा २ जना प्रहरी अधिकारीको मृत्यु भएको छ । आइतबार भएको घटनामा बन्दुकधारीले गोली चलाएको जनाइएको छ ।
उक्त क्षेत्रमा आगजनी समेत भएको छ । घरहरुबाट आगोको ज्वाला निस्केको छ भने धुँवाको मुस्लो समेत देखिएको छ । कम्तीमा ४ वटा घरमा आगो फैलिएको जनाइएको छ ।
डायमण्ड हेड नजिकै भएको उक्त घटनाबारे थप अनुसन्धान भइरहेको छ । तर एकजना घरवेटीले भाडावाललाई घरबाट निकाल्दा घरवेटीमाथि चक्कुप्रहार भएको समेत बताइएको छ ।
चक्कुप्रहारपछि घटनास्थलमा प्रहरी पुग्दा संदिग्धले गोली चलाएको र घरमा आगो लगाइदिएको आशंका गरिएको छ । गोली लागेर घाइते प्रहरीको उपचारका क्रममा निधन भएको जनाइएको छ ।