न्युयोर्कमा एमटीएको बसले किचेर महिलाको मृत्यु
प्रकाशित मिति : माघ २, २०७६ बिहीबार
न्युयोर्कका आज विहान साढे ९ बजे सरकारी यात्रुबाहक बसले किचेर एकजना महिलाको मृत्यु भएको छ । फ्लाटबुस एभिन्यु नजिकै एमटीएएको बी ४१ बसले महिलालाई किचेको जनाइएको छ ।
बसबाट झरेकी महिला अल्झिएर गाडीको चक्कामुनी पुगेको र गाडी तत्काल गुड्दा ती महिलाको मृत्यु भएको जनाइएको छ । पछाडिको चक्काले उनको टाउकोमा गम्भिर चोटलागेपछि घटनास्थलमा नै निधन भएको थियो ।
ती महिला अल्झिएर बसको चक्कामुनी पुग्नु र बस रोकिएको स्थानबाट हिड्नु एकैपटक भएको जनाइएको छ । न्युयोर्क प्रहरीका चाल्र्स स्कोलले घटनामा गाडी चालकको कुनै गल्ती नदेखिएको बताएका छन् ।
उनले यो घटना अत्यन्तै दुखद भएको तर मान्छेहरु सावधान नहुादा यस्तो घटना भएको बताएका छन् । मृतकको नामभने सार्वजनिक गरिएको छैन ।
आज विहानमात्रै ब्रुकलिनमा फोहोर फ्याक्ने निजी ट्रकको ठक्करबाट एकजना ६० बर्षकी महिलाको मृत्यु भएको थियो । प्रहरीले उक्त ट्रकको खोजी गरिरहेको छ ।