न्युयोर्कको ब्रुकलिनमा फोहोर फ्याक्ने ट्रकले हान्यो ६० बर्षकी महिला, शरिर दुई टुक्रा
प्रकाशित मिति : माघ २, २०७६ बिहीबार
न्युयोर्कको ब्रुकलिनमा फोहोर फ्याक्ने ट्रकल आज विहान एक महिलालाई ठक्कर दिएको छ । ट्रकको ठक्करबाट महिलाको घटनास्थलमा नै मृत्यु भएको छ ।
विहान बे पार्क वे नजिकै ८६ स्ट्रीटमा उक्त घटना भएको हो । ट्रकले ठक्करदिएपछि महिलाको शरिरमाथिबाटै गुडेको थियो । जसका कारण ती महिलाको शरिर दुईटुक्रा भएको थियो ।
विहान करिब ४ बजे भएको उक्त घटनामा ठक्कर दिने ट्रक फोहोर फ्याक्ने निजी ट्रक भएको जनाइएको छ । प्रहरीको मृतकको शरिरलाई दुईवटा अलगअलग स्थानमा कपडाले छोपेर राखेको थियो ।
प्रत्यक्षदर्शीले दुईस्थानमा शव छोपिएको देख्दा दुईजना व्यक्ति मारिएको आशंका गरेका थिए । तर प्रहरीले एउटै व्यक्तिको शव दुई टुक्रा भएकाले दुईस्थानमा छोपेर राखिएको बताएको थियो ।
महिलालाई ठक्कर दिएपछि ट्रक निरन्तर अगाडि बढेको थियो । ट्रक ड्राइभरले महिलालाई ठक्कर दिएको बारे थाहा नपाएर अगाडि बढेको हुनसक्नेबारे अनुसन्धानकर्ताहरुले आशंका व्यक्त गरेका छन् ।
प्रहरीले ठक्करदिने ट्रकको खोजी गरिरहेको छ । त्यस्तै घटनामा ज्यान गुमाउने महिलाको पनि अहिलेसम्म पहिचान खुलेको छैन ।
न्युयोर्कमा फोहोर फ्याक्ने ट्रकको ठक्करबाट मृत्यु हुनेको संख्या उल्लेख्य रहेको छ । गतसातामात्रै न्युयोर्कको कोरोनामा फोहार फ्याक्ने सरकारी गाडीको ठक्करबाट १० बर्षका नेपाली बालक श्री पन्थीको मृत्यु भएको थियो ।
सन् २०१० देखि सन् २०१७ सम्म न्युयोर्कमा फोहोर फ्याक्ने निजी गाडीको ठक्करबाटमात्र ४३ जनाको मृत्यु भइसकेको छ ।