न्युयोर्कबाट बसाई सराई तीब्र, सबैभन्दा धेरै बसाईसराई फ्लोरिडा र न्युजर्सीमा

न्युयोर्क निवासीहरु फ्लोरिडामा बसाई सराई गर्ने क्रम तीब्र बनेको आईआरएसको तथ्यांकले देखाएको छ । अरु राज्यको तुलनामा न्युयोर्क निवासीहरु फ्लोरिडामा बसाई सराई गरिरहेका छन् ।

सन् २०१० देखि सन् २०१८ सम्मको आईआरएसको तथ्यांक अनुशार न्युयोर्क छाडेका ५ जनामध्ये कम्तीमा एकजना फ्लोरिडामा बसाईसराई गरेका छन् । न्युयोर्कबाट बसाई सराई गर्नेहरुमध्ये २१ दशमलव ३ प्रतिशतले फ्लोरिडा छानेका हुन् ।

न्युयोर्क निवासीहरु न्यानो राज्यहरुतर्फ बसाई सराई गर्नेक्रम तीब्र बनिरहेको छ । त्यसको अतिरिक्त न्युजर्सीमा बसाई सराई गर्नेहरु समेत उल्लेख्य छन् । न्युयोर्कमा भन्दा सस्तो भएका कारण न्युयोर्क निवासीहरु न्युजर्सीमा बसाई सराई गरिरहेका छन् ।

अझ रोचक त के छ भने न्युयोर्कबाट न्युजर्सी बसाई सराई गरेकाहरु न्युयोर्क सिटीमा नै काम गर्न आउने गरेका छन् । न्युयोर्कबाट बाहिर राज्यमा बसाई सराई गर्नेहरुमध्ये ८ प्रतिशत नर्थ क्यारोलिनामा, ७ प्रतिशत पेन्सिलभेनियामा, टेक्सास र क्यालिफोर्नियामा ६ प्रतिशत, कनेक्टिकटमा ५ दशमलव ६ प्रतिशत रहेका छन् । त्यस्तै जर्जियामा ४ दशमलव ५ प्रतिशत, साउथ क्यारोलिनामा ३ दशमलव ५ प्रतिशत र भर्जिनियामा ३ दशमलव १ प्रतिशत रहेका छन् ।

Loading...

एउटा अध्ययनबाट न्युयोर्कको जनसंख्या विगतका बर्षको तुलनामा ७६ हजार ७ सय ९० ले कमी आएको सार्वजनिक भएलगत्तै न्युयोर्क छाडेर जानेहरु कुन राज्यमा बढी गइरहेका छन् भन्नेबारेको तथ्यांक आएको हो । सन् २०१८ मा मात्र न्युयोर्कमा अन्य राज्यबाट बसाई सराई गर्नेहरुभन्दा न्युयोर्कबाट बाहिर बसाईसराई गर्नेहरु १ लाख ८० हजारले बढी थिए ।


प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com