राष्ट्रिय सभा निर्वाचनको कार्यतालिका सार्वजनिक
प्रकाशित मिति : पुस २, २०७६ बुधबार
आगामी माघ ९ गते हुने राष्ट्रिय सभाका सदस्यहरुको निर्वाचन लागि निर्वाचन आयोगले कार्यतालिका सार्वजनिक गरेको छ । आयोगले राष्ट्रिय सभा सदस्य निर्वाचन ऐन २०७५ को दफा ६ अनुसार निर्वाचन कार्यतालिका प्रकाशन गरेको हो ।
आगामी फागुन २० गते १९ जना सांसदहरुको २ वर्षे कार्यकाल सकिँदैछ । यसका लागि माघ ९ गते १८ जना सांसदका लागि निर्वाचन हुन लागेको हुने छ भने १ जना भने राष्ट्रपतिले मनोनयन गर्ने छन् । आयोगले सार्वजनिक गरेको तालिका अनुसार पुस १७ गते विहान १० देखि ११ बजेसम्म मतदाता नामावली प्रकाशन, सोहि दिन ११ बजेदेखि ४ बजेसम्म प्रकाशित नामावली विरुद्ध उजुरी दिने र पुस १८ गते उजुरी उपर छानविन गरि अन्तिम नामावली प्रकाशन गर्ने लगायतका छन् ।