दाङमा रोकिराखेको ट्याक्टरमा मोटरसाईकल ठोक्किदा एकको मृत्यु
प्रकाशित मिति : मंसिर २१, २०७६ शनिबार
रोकिराखेको ट्याक्टरमा मोटरसाईकल ठोक्किदा दाङमा एकजनाको मृत्यु भएको छ भने अर्का घाइते भएका छन् । जिल्लाको घोराही उपमहानगरपालिका वडा नं- ८ निवासी १९ बर्षीय रेशम वलीको उपचारका क्रममा गएराति मृत्यु भएको छ ।
मोटरसाईलकलको पछाडि सवार घोराही १० का १८ बर्षीय अमृत चौधरी घाइते भएका छन् । घाइते चौधरीलाई राप्ती स्वास्थ्य विज्ञान प्रतिष्ठान घोराहीको प्रारम्भीक उपचर पछि थप उपचारका लागि बाँकेको कोहलपुरस्थित मेडिकल कलेजमा उपचार भइरहेको छ ।
दाङ जिल्ला प्रहरी प्रबक्ता विनोद विक्रम शाहका अनुसार शुक्रवार राति साढे ९ बजेतिर तुलसीपुरवाट नारायणपुरतर्फ जाँदै गरेको रा २ प १९५० नम्वरको मोटरसाईकल घोराही ११ खैराचोकमा रोकिराखेको रा १ त १९३८ नम्वरको ट्याक्टरको ट्रलिमा ठोक्किएको थियो ।
दुर्घटना लगतै दुबै घाइतेलाई राप्ती स्वास्थ्य विज्ञान प्रतिष्ठान घोराही उपचारका लागि लगिएको भएपनि मोटरसाईकल चालक वलीको भने उपचारको क्रममा राति नै मृत्यु भएको प्रहरीले बताएको छ ।
