सबैभन्दा बृद्ध अमेरिकी महिलाको ११४ बर्षको उमेरमा निधन


प्रकाशित मिति : मंसिर १२, २०७६ बिहीबार

अमेरिकाकौ सबैभन्दा बृद्ध महिला न्युयोर्क निवासी अलेलिया मर्फीको ११४ बर्षको उमेरमा निधन भएको छ । उनी गत जुलाईमा ११४ बर्षको उमेरमा प्रवेश गरेकी थिइन् भने सबैभन्दा बृद्ध जीवित अमेरिकनको उपमा पाएकी थिइन् ।

न्युयोर्कको हार्लमकी ल्याण्डमार्कका रुपमा परिचित उनको निधनको कारणबारे भने केही बताइएको छैन । निधन हुँदा उनी ११४ बर्ष १ सय ४० दिनकी थिइन् ।

मर्फीको जन्म अमेरिकाको नर्थ क्यारोलिनामा भएको हो । उनी पछि न्युयोर्कको म्यानहटनमा बसाई सरेकी हुन् । उनी सन् १९५३ मा विधवा भएकी थिइन् ।

मर्फीको निधनपछि अब सबैभन्दा बृद्ध अमेरिकीमा साउन क्यारोलिनाका हेस्टर फोर्ड पहिलो नम्बरमा आएका छन् । उनको उमेर ११४ बर्ष १ सय ५ दिन रहेको छ ।

विश्वकै सबैभन्दा बढी उमेरका जीवित व्यक्तिमा जापानकी केन तानाका रहेकी छिन् । उनी आगामी जनवरी २ मा ११७ बर्षमा प्रवेश गर्दैछिन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com