न्युयोर्कको ब्रोंक्समा ट्रेनको लिकमा फ्याकिएका युवालाई लगियो अस्पताल
प्रकाशित मिति : मंसिर ६, २०७६ शुक्रबार
शुक्रबार विहान न्युयोकको ब्रोंक्समा ट्रेन पर्खिरहेका एकजना २१ बर्षीय युवालाई एकजना आक्रमणकारीले हथौडा प्रहार गर्नुका साथै उचालेर ट्रेनको लिकमा फ्याकेका छन् । ती युवाले ट्रेन स्टेशनमा डी ट्रेन कुरिरहेका थिए ।
आक्रमणकारी ती युवामाथि समलैंगिकता जनाउने अपशब्द प्रयोग गर्दै हथौडा बोकेर जाइलागेको जनाइएको छ । काखीमा हथौडाले हानेपछि ट्रेन स्टेशनको लिकमा टिपेर फ्याकेको प्रहरीको भनाई छ ।
ट्रेनको लिकमा फ्याकिएका व्यक्तिले हतारहतार आफै त्यहाँबाट बाहिर निस्कन सफल भएका थिए । त्यसपछि उनलाई तत्काल अस्पताल लगिएको थियो । उनको बाँया आँखीभौंनेर गहिरो चोट लागेको जनाइएको छ ।
प्रहरीले आक्रमणकारीको खोजी गरिरहेको र घटनाबारे अनुसन्धान गरिरहेको छ । घटनालाई सम्भावित घृणा अपराधका रुपमा हेरिएको छ ।