मानव बेचबिखनको आरोपमा महिला पक्राउ


प्रकाशित मिति : मंसिर ६, २०७६ शुक्रबार

मंसिर ६, कैलाली । मानव बेचबिखन, ओसारपसार र देहव्यापारमा संलग्न भएको आरोपमा प्रहरीले एक जना महिलालाई पक्राउ गरेको छ । गोदावरी नगरपालिका- २ अत्तरिया बजारमा रहेको राजु होटलकी सञ्चालक गौरादेवी रानालाई जिल्ला प्रहरी कार्यालय कैलालीको टोलीले पक्राउ गरेको हो ।

आर्थिक अवस्था कमजोर भएकी एक बालिकालाई काम लगाइदिने भन्दै दैनिक ९/१० जना ग्राहकसँग जबरजस्ति अनैतिक सम्बन्ध राख्न बाध्य बनाउने गरेको आरोपमा उनलाई पक्राउ गरिएको जिप्रका कैलालीका डीएसपी दक्षकुमार बस्नेतले बताए । डीएसपी बस्नेतले महिलालाई नियन्त्रणमा लिइ बालिकाको उद्धार गरिएको बताए । पक्राउ परेकी महिलालाई मानव बेचबिखन तथा ओसारपसार शीर्षकको मुद्दामा अनुसन्धान सुरु गरिएको उनले बताए ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com