न्युयोर्कका नेताले आफूसँग गलत ब्यवहार गरेको भन्दै ट्रम्पले फ्लोरिडामा सारे स्थायी ठेगाना
प्रकाशित मिति : मंसिर ३, २०७६ मंगलबार
अमेरिकाका राष्ट्रपति डोनल्ड ट्रम्पले आफ्नो स्थायी निवास औपचारिक रुपमा नै परिवर्तन गरेका छन् । ट्रम्प र प्रथम महिला मेलानिया ट्रम्पको स्थायी र प्राथमिक ठेगाना अब फ्लोरिडाको मार ए लागो रिसोर्ट भएको छ । फ्लोरिडाको भोटर रजिस्ट्रेशन फाइल अनुशार उनीहरुले त्यहीको मतदाता नामावलीमा आफ्नो नाम लेखाएका छन् ।
राष्ट्रपति बनेदेखि ट्रम्प वाशिङटन डीसीस्थित ह्वाइट हाउसमा बसिरहेका छन् । तर उनको स्थायी ठेगाना भने न्युयोर्कस्थित ट्रम्प टावर नै रहदै आएको थियो । ट्रम्प राष्ट्रपति बनेदेखि नै उनका नीतिहरूको आलोचना गर्ने प्रदर्शनकारीहरूले न्युयोर्कस्थित ट्रम्प टावरबाहिर प्रदर्शन शुरू गरेका थिए । त्यसले गर्दा ट्रम्पले शहरका अधिकारीहरूसँग विवाद गर्ने गरेका थिए ।
1600 Pennsylvania Avenue, the White House, is the place I have come to love and will stay for, hopefully, another 5 years as we MAKE AMERICA GREAT AGAIN, but my family and I will be making Palm Beach, Florida, our Permanent Residence. I cherish New York, and the people of…..
— Donald J. Trump (@realDonaldTrump) November 1, 2019
हालैमात्र ट्रम्पले एउटा ट्वीट गर्दै फ्लोरिडाको पाम बीचमा रहेको १६००, पेन्सिलभेनिया एभेन्यु अब आफ्नो परिवारको स्थायी निवास हुने बताएका थिए । न्युयोर्कवासीहरूले आफूलाई माया गरेको तर हरेक वर्ष करोडौं डलर कर तिरेपनि राज्यका नेताहरूले आफूसँग गलत व्यवहार गरेको ट्रम्पले बताएका छन् । ट्रम्पले स्थायी निवास परिवर्तन गर्ने घोषणा गरेलगत्तै न्युयोर्कका गभर्नर एन्ड्रयु कुमोले छुटकारा पाएको लेखेका थिए ।
President Trump, who is a lifelong New Yorker, is now a resident of Florida. @NYGovCuomo joins @SRuhle and @AliVelshi to share his thoughts on that and the deadly flooding in his state.https://t.co/ALIpWXkZ5A
— Velshi & Ruhle (@VelshiRuhle) November 1, 2019
ट्याक्सका कागजातको विषयलाई लिएर समेत ट्रम्प न्युयोर्कका नेताहरुसँग रुष्ट रहेका छन् । ट्रम्पका ट्याक्स फाइलका कागजातहरु संसदले मागेको खण्डमा दिन सकिने भन्दै न्युयोर्क राज्यले ट्रस्ट एक्ट पारित गरेको थियो । ती कागजातहरु अमेरिकी संसदमा पुग्न नदिन ट्रम्प संघर्षरत रहेका छन् ।
उनले ट्याक्सका कागजात संसदमा पुग्नबाट रोक्न वासिंटन डिसीको अदालतमा मुद्दा समेत दायर गरेका थिए । तर राष्ट्रपति डोनाल्ड ट्रम्पले नै नियुक्त गरेका संघीय न्यायाधिसले न्युयोर्क राज्यलाई ट्याक्सफाइलका कागजात संसदसमक्ष बुझाउनबाट रोक्न वासिंटन डिसीमा मुद्दा दायर गर्न नसकिने निष्कर्ष सहित ट्रम्पको मुद्दा खारेज गरिदिएका थिए ।
त्यसपछि ट्रम्प सर्वोच्च अदालतमा गएका थिए । सोमबार सर्बोच्च अदालतले एक आदेश दिदै ट्रम्पका ट्याक्सका कागजातहरु सार्वजनिक हुनबाट अस्थायी रोक लगाएको छ ।