गुल्मीमा ३ जनाको हत्या गर्ने दुई अभियुक्त सार्बजनिक
प्रकाशित मिति : कार्तिक २९, २०७६ शुक्रबार
कार्तिक २९, गुल्मी । गुल्मीको चन्द्रकोट गाउँपालिका–३ हर्राचौरमा झण्डै १५ दिन पहिले बेवारिसे अबस्थामा फेला परेका ३ वटा शबको पहिचाहनसँगै प्रहरीले ३ जनाको हत्या गर्ने हत्यारा सार्बजनिक गरेको छ । जिल्ला प्रहरी कार्यालय गुल्मीले शुक्रवार पत्रकार भेटघाटको आयोजना गरेर बेवारिसे शबको पहिचाहन र हत्या गर्ने हत्यारालाई सार्बजनिक गरेको हो ।
हत्यारामा संलग्न बागलुङको गल्कोट नगरपालिका–८ ज्यामिरे बस्ने ४६ वर्षिय पूर्ण बहादुर सुनार र १९ वर्षिय माधव सुनारलाई सर्बाजनिक गरेको छ । अन्य एकजना फरार रहेको जिल्ला प्रहरी कार्यालय गुल्मीका प्रहरी उपरिक्षक (एसपी)राजेन्द्रसिंह खड्काले बताए । कार्तिक १६ गते शनिवार बेवारिसे अबस्थामा फेला परेको शबको हत्यारा पक्राउ परेसँगै पहिचान भएको हो ।
हत्या हुनेहरुमा मोरङ्ग जिल्लाको कानेपोखरी गाउँपालिका– ३ हरकपुर घर भइ हाल पोखरा महानगरपालिका बस्दै आएकी ३२ वर्षिय सरिता भन्ने शिबमाया लिम्बु र उनका ७ वर्षिय जुमल्या छोरी जंगा र जमुना रहेको प्रहरीले सार्बजनकि गरेको छ । दुई बालिकाको निर्ममतापूर्वक हत्या गरिएको घटनाका अभियुक्त दुईजनालाई प्रहरीले पोखरा महानगरपालिका २५ हेम्जाबाट डेरामा बसिरहेको अबस्थामा पक्राउ गरेको थियो ।
सुनारलाई केन्द्रीय अनुसन्धान ब्यूरो [सीआईबी] र जिल्ला प्रहरी कार्यालय गुल्मीको संयुक्त टोलीले पक्राउ गरेको हो । फेला परेका ३ वटै शबलाई पोष्ट मार्टम पछि गुल्मी अस्पतालमा पछिसम्म राख्न समस्या भएपछि पाल्पा जिल्ला अस्पतालमा राखिएको थियो । शबको पहिचाहन भएसँगै पोष्टमार्टम पछि परिवारका आफन्तलाई बुझाइने प्रहरी उपरिक्षक खड्काले बताए । हत्या गर्नुको मुख्य कारण कर्तव्य गरी मारेको प्रहरीले खुलाएको छ । तिन जनाको निर्मता पूर्वक हत्या गरि कच्ची सडकबाट ४ मिटर पर बेवारिसे अबस्थामा शब फेला परेको थियो । सर्बजनिक गरिएका २ जनालाई जिल्ला प्रहरी कार्यालय गुल्मीमा राखेर थप अनुसन्धान गरिहरको जिल्ला प्रहरी कार्यालय गुल्मीका प्रहरी नायव उपरिक्षक मिनबहादुर घलेले बताए ।
