ट्रेन स्टेशनमा चुरो बेचेर जिविकोपार्जन गर्ने महिलालाई न्युयोर्क प्रहरीको हतकडी (भिडियो)
प्रकाशित मिति : कार्तिक २५, २०७६ सोमबार
न्युयोर्कको बु्रकलिनको ट्रेन स्टेशनमा लामो समयदेखि चुरो बेच्दै आएकी एक महिलालाई प्रहरीले हतकडी लगाएको छ । अनलाइनमा ब्यापक शेयर गरिएको एउटा भिडियोमा प्रहरीले ब्रोडवे जंक्सन स्टेशनमा चुरो बेच्ने एक महिलालाई पक्राउ गरेको देख्न सकिन्छ । चुरो एकप्रकारको गुलियो पेस्ट्री खाद्य पदार्थ हो ।
She kept trying to speak to one of the cops in Spanish, but the plainclothes cop kept rolling his eyes and saying things like, “Are you done?” and “I know you can speak English.” Eventually, they cuffed her and unceremoniously dragged her and her cart away. 3/? pic.twitter.com/qVIfN7DO7u
— Sofia B. Newman (@SofiaBNewman) November 9, 2019
प्रहरीले उनको चुरोहरु नियन्त्रणमा लिएपछि उनी रोइकराई गरेकी थिइन् भने केहीबेरमा नै प्रहरीले हतकडी लगाएर उनलाई पक्राउ गरेको थियो । ट्रेन स्टेशनमा विना लाइसेन्स चुरो बेचेको भन्दै ती महिलालाई विगत ५ महिनामा १० पटक अदालतमा हाजिर हुन आदेश दिइएकोमा उनी अदालतमा हाजिर नभएका कारण पक्राउ गरिएको प्रहरीले जनाएको छ ।
Tonight as I was leaving Broadway Junction, I saw three or four police officers (one of them was either a plainclothes cop or someone who worked at the station) gathered around a crying woman and her churro cart. Apparently, it’s illegal to sell food inside train stations. 1/? pic.twitter.com/sgQVvSHUik
— Sofia B. Newman (@SofiaBNewman) November 9, 2019
सिटी काउन्सिलम्यान राफेल इस्पीनलले प्रहरीले ज्यादती गरेको आरोप लगाएका छन् । ती महिलाले बर्षौदेखि चुरो बेचेर जिविकोपार्जन गर्दै आएको तथा उक्त क्षेत्रमा ट्रेन चढ्नेहरुका लागि उनी परिचित रहेको र उनका कारण कुनै जोखिम नभएको सिटी काउन्सिलम्यानको भनाई छ ।
न्युयोर्क सिटीको ट्रेन स्टेशनभित्र कुनै खाना सामाग्री, सेवा र मनोरञ्ननको ब्यापार गर्न निषेध गरिएको छ । तर ट्रेनभित्र नृत्य र विभिन्न कला प्रदर्शन गर्नेहरुले यो नियमको उल्लंघन गर्दै आएका छन् । यसैबीच ट्रेन स्टेशनभित्रका ४० प्रतिशत अर्थात् ३२६ बिक्रिका स्थानहरु योबर्षको सुरुतिरै खाली गराइसकिएको छ ।