टेक्सास इन्स्ट्रुमेन्ट्सले अमेरिकामा सेमिकन्डक्टर उत्पादन विस्तार गर्न ६० बिलियन डलर लगानी गर्ने
प्रकाशित मिति : असार ४, २०८२ बुधबार
अमेरिकाको टेक्नोलोजी कम्पनी टेक्सास इन्स्ट्रुमेन्ट्सले अर्धचालक (सेमिकन्डक्टर) उत्पादन विस्तार गर्न ६० बिलियन डलरभन्दा बढी लगानी गर्ने भएको छ ।
कम्पनीले घोषणा गरेको छ कि कम्पनीले अमेरिकामा अर्धचालक (सेमिकन्डक्टर) उत्पादन विस्तार गर्न ६० बिलियन डलरभन्दा बढी लगानी गर्ने घोषणा गरेको हो ।
यो लगानी राष्ट्रपति डोनाल्ड ट्रम्पको “अमेरिकामै उत्पादन गरौं” अभियानसँग मिल्दोजुल्दो कदमका रूपमा आएको देखिएको छ । जसले एप्पल, सामसङजस्ता ठूला प्रविधि कम्पनीहरूलाई स्वदेशमै उत्पादन गर्न दबाव दिइरहेको छ ।
कम्पनीका अनुसार यो लगानी टेक्सास र युटाह राज्यमा ७ वटा सेमिकन्डक्टर फ्याब्रिकेशन प्लान्टहरू (कारखाना) बनाउन खर्च हुनेछ । जसले ६० हजार भन्दा बढी रोजगारी सिर्जना गर्नेछ।
कम्पनीले ट्रम्प प्रशासनसँग मिलेर स्मार्टफोन, डाटा सेन्टर, कार आदिमा प्रयोग हुने महत्वपूर्ण चिपहरू अमेरिकामै उत्पादन गर्न काम गरिरहेको छ ।
यो कदम चीनसँग प्रविधि क्षेत्रमा प्रतिस्पर्धा गर्न र अमेरिकी निर्माण उद्योगलाई प्रवर्द्धन गर्न ट्रम्प प्रशासनको दीर्घकालीन रणनीति अन्तर्गत परेको छ ।
टीआई ले यसलाई ‘अमेरिकाको इतिहासमै सेमिकन्डक्टर उत्पादनमा गरिएको सबैभन्दा ठूलो लगानीू भनेर दाबी गरेको छ । अमेरिकी वाणिज्य मन्त्री होवार्ड लुटनिक ले ‘राष्ट्रपति ट्रम्पले अमेरिकामा अर्धचालक उत्पादन बढाउने कुरालाई प्राथमिकतामा राखेको बताएका छन ।
टीआई सँगको साझेदारीले अमेरिका दशकौंसम्म चिप्स उत्पादनको केन्द्रमा रहने सुनिश्चित गर्नेछ । ट्रम्पले प्रविधि उद्योगमा उत्पादनको पुन स्थापना अभियान तीव्र पारेका छन् । केही अमेरिकी कम्पनीहरूले ठूलो लगानीको घोषणा गरेका पनि छन् ।
ट्रम्पले आफ्नो दोस्रो कार्यकालको सुरुका तीन महिनामा विदेशी वस्तुहरूमा व्यापक शुल्क लगाएका छन् । उनको दाबी छ कि यसले अमेरिकी रोजगारी बढाउने र विदेशी व्यापारमा भइरहेको अन्याय हटाउनेछ ।
ट्रम्प मोवाइल नामक नयाँ कम्पनीले आगामी सेप्टेम्बरमा अमेरिकामै डिजाइन र उत्पादन गरिएको स्मार्टफोन बजारमा ल्याउने तयारी गरिरहेको छ ।
तर विज्ञहरूका अनुसार आइफोन जस्ता जटिल उपकरणहरू अमेरिका भित्र उत्पादन गर्नु हालको अवस्थालाई हेर्दा अत्यन्तै चुनौतीपूर्ण हुनेछ ।
टेक्सास इन्स्ट्रुमेन्ट्सको यो लगानी अमेरिकी निर्माण उद्योग र प्रविधि आत्मनिर्भरताको दिशामा एक ऐतिहासिक कदम मानिएको छ ।
आगामी दशकहरूमा अमेरिका र चीनबीचको प्रविधि प्रतिस्पर्धामा निर्णायक भूमिका खेल्न सक्ने अनुमान गरिएको छ ।