अर्घाखाँची अस्पतालको भवन निर्माण गर्न सांसद घिमिरेको पहलमा ६ करोड विनियोजन
प्रकाशित मिति : असार १, २०८० शुक्रबार
अर्घाखाँची अस्पतालको भवन निर्माणका लागि प्रदेश सरकारले ६ करोड रुपैयाँ छुट्याएको छ । प्रदेश सभा सदस्य रामजीप्रसाद घिमिरेको पहलमा लुम्बिनी प्रदेश सरकारले अर्घाखाँची अस्पतालको भवन निर्माणका प्रदेश सरकारले ६ करोड रुपैयाँ छुट्याएको हो ।
शुक्रबार प्रदेशसभाको बैठकमा बजेट प्रस्तुत गर्दै प्रदेश सरकारका आर्थिक मामिला मन्त्री धन बहादुर मास्कीले भने, “ ५० शैंयामा स्तरोन्नती भएको अर्घाखाँची अस्पताल, सन्धिखर्कको बहुबर्षिय भवन निर्माणका लागि रु ६ करोड विनियोजन गरेको छु ।”
लुम्बिनी प्रदेशले गत जेठ २६ गते आर्थिक बर्ष २०८०/८१ को नीति तथा कार्यक्रम प्रस्तुत गरेको थियो ।
प्रदेश सभा सदस्य घिमिरेले अर्घाखाँची जिल्ला अस्पताललाई भवन निर्माणका लागि आवश्यक बजेट विनियोजन गरेको जानकारी दिए । घिमिरेले अस्पताल बहुवर्षिय योजनाको रुपमा सम्पन्न हुने विश्वास दिलाए ।