६ मंसिर २०८३, आइतबार| Sunday, November 22, 2026
अन्तर्राष्ट्रिय

शुक्रबार मध्यरातदेखि युरोपका २६ देशबाट अमेरिका आउनमा प्रतिबन्ध

अमेरिकी राष्ट्रपति डोनाल्ढ ट्रम्पले राष्ट्रका नाममा विशेष सम्बोधन गर्दै ३० दिनका लागि युरोपबाट अमेरिका आउने जाने सबै यात्रामा प्रतिबन्धको घोषणा गरेका छन् । तर यो प्रतिबन्ध बेलायतका सन्दर्भमा भने लागु नहुने ट्रम्पले घोषणा गरेका छन् । लगत्तै अमेरिकी सरकारले यो प्रतिबन्ध युरोपका २६ शेंगेन देशहरुका लागिमात्र रहेको स्पष्ट पारेको छ ।

२६ युरोपियन देशबाट अमेरिका आउनमा प्रतिबन्ध : कसकसलाई दिइयो छुट ?

यो प्रतिबन्ध शुक्रबार राती मध्यरातबाट लागु हुने भएको छ ।  उपयुक्त जाँच पार गरेका केही निश्चित अमेरिकनका सन्दर्भमा भने यो प्रतिबन्ध लागु नहुने ट्रम्पले बताएका छन् ।

त्यस्तै राष्ट्रपति ट्रम्पले ओभल अफिसबाट सम्बोधन गर्दै कोरोनाभाइरसबाट प्रभावित अमेरिकीहरूलाई आपतकालीन आर्थिक राहत प्रदान गर्ने घोषणा गरेका छन् । कोरोनाप्रभावित अमेरिकनहरु कुनै आर्थिक समस्याविना रहनसक्ने वातावरण निर्माणका लागि आपतकालिन निर्णय लिन लागेको समेत ट्रम्पले बताएका छन् ।

यो सहयोग कोरोनाका कारण बिरामी भएका, क्वारेन्टीनमा रहेका वा अरुको हेरचाहमा लागेकाहरुका लागि लक्ष्यित हुने ट्रम्पले बताएका छन् । यस्तो सहायताका लागि कदम चाल्न ट्रम्पले संसदलाई आग्रह समेत गरेका छन् ।

युरोपका २६ देशबाट अमेरिका आउनमा प्रतिबन्ध, ती देशको भ्रमण गरेका अन्य देशकालाई पनि रोक

अहिले अवस्था कुनै आर्थिक संकट नभएको र अस्थायी भएको समेत ट्रम्पले बताएका छन् । कोरोनाबाट प्रभावित साना ब्यापारहरुलाई आर्थिक ऋण उपलब्ध गराइने समेत ट्रम्पले घोषणा गरेका छन् । अत्यन्तै कमदरमा दिइने यस्तो ऋणले साना ब्यापारलाई आर्थिक व्यवधानसँग जुध्न सहयोग गर्ने ट्रम्पको विश्वास रहेको छ ।

खसोखासका समाचार नछुटाउनुहोस्Follow Khasokhas for immigration, green card, tax and community news.Facebook मा Follow गर्नुहोस् →

अहिलेसम्म विश्वभर १ लाख २६ हजार १ सय ३९ जनामा कोरोना संक्रमण पुष्टी भएको छ । जसमध्ये ४६ सय २७ को मृत्यु भइसकेको छ ।

शुक्रबार मध्यरातदेखि युरोपका २६ देशबाट अमेरिका आउनमा प्रतिबन्ध

अमेरिकामा अहिलेसम्म १३०५ मा कोरोना संक्रमण पुष्टी भएको छ । जसमध्ये ३८ जनाको मृत्यु भएको छ । आजै अमेरिकामा थप ३११ मा कोरोना संक्रमण पुष्टी भएको छ भने ८ जनाको मृत्यु भएको छ ।

Proclamation : Suspension of Entry from 26 European Countries to US (Full Text)

वासिंटन राज्यमा कोरोना संक्रमितको संख्या ३३५ पुगेको भने न्युयोर्कमा २१३ पुगेको छ । त्यस्तै क्यालिफोर्नियामा कोरोना संक्रमितको संख्या १९७ पुगेको छ । वासिंटन राज्यमा मात्र मृतकको संख्या २९ पुगेको छ ।

 

लेखक खसोखास अमेरिका ब्यूरो

Khasokhas Weekly is published Weekly and read by thousands of Nepalese and Nepalese speaking in the USA. There are more than 250,000 (unofficial data) Nepali people in the USA. According to the 2010 US Census, there are 59,490 Nepalese in the USA. The actual numbers…

यस लेखकका थप समाचार →