न्युयोर्कको ज्याक्सनहाइटको भारतीय गहनापसलमा कामदारमाथि दुब्र्यवहार भएको भन्दै प्रदर्शन
प्रकाशित मिति : फाल्गुन २७, २०७६ मंगलबार
न्युयोर्कको ज्याक्सनहाइटमा रहेको भारतीय गहना पसलमा कामदारमाथि दुब्र्यहार भएको भन्दै प्रदर्शन गरिएको छ । सोनाचाँदी नामको गहना पसलमा कामदारमाथि दुब्र्यबहार भएको भन्दै प्रदर्शन गरिएको हो ।
डेसिस राइजिङ अप एण्ड मुभिङ ड्रमले आयोजना गरेको विरोध प्रदर्शनमा एकसयभन्दा धेरैको सहभागिता रहेको थियो । उक्त गहना पसलमा काम गर्ने नर्गिस नामकी महिलालाई दैनिक १० घण्टा काम लगाएर ५० देखि ७५ डलरमात्र तलब दिइएको जनाइएको छ ।
उक्त गहना पसलका मालिक दिलिप मलानीले आफ्नी बुढी र बिरामी आमाको समेत हेरचाह गर्न लगाएको र त्यसबापत कुनै रकम नदिएको नर्गिसको आरोप छ । मालिकले हरेक दिन मौखिक रुपमा दुब्र्यबहार गर्ने र यौनिक रुपमा समेत छेडछाड गर्ने गरेको नर्गिसको आरोप छ ।
त्यसको विरोध गर्दा उनलाई कामबाट निकालिएको नर्गिसले बताइन् । मलानीले नर्गिसलाईमात्र होइन त्यहाँ काम गर्ने अन्य महिला कामदारलाई समेत दुब्र्यबहार गर्ने गरेको आरोप लगाइएको छ । पसलको मालिक दिलिप मलानीले पदर्शन भइरहँदा स्टोरभित्रबाट रिसाएर हेरेका थिए ।
