न्युयोर्कमा ५ जनामाथि चक्कु प्रहार, संदिग्ध आक्रमणकारी पक्राउ
प्रकाशित मिति : पुस १३, २०७६ आईतबार
न्युयोर्कमा शनिबार राति यहूदी मण्डलीका पाँच सदस्यमाथि चक्कु आक्रमण भएको छ । हनुक्काहको सातौं रातको उत्सवमा जबर्जस्ती घुसेको एक व्यक्तिले मासु काट्ने दाउजस्तो चक्कुले आक्रमण गरेको प्रहरीले जनाएको छ ।
रकल्याण्ड काउन्टीमा राती १० बजे एउटा उत्सव मनाइरहेका झण्डै एकसय जनाको समुहमा आक्रमण भएको थियो । आक्रमणकारीले जसलाई मन लाग्यो उसैलाई अन्धाधुन्द चक्कु हानेको थियो । घटना एकजना यहुदी धर्मगुरुको घरमा भएको थियो ।
घटनामा घाइते भएकाहरुको स्थानीय अस्पतालमा उपचार भइरहेको छ । एकजनाको अवस्था भने गम्भिर रहेको जनाइएको छ ।
संदिग्ध आक्रमणकारी हार्लम निवासी ३८ बर्षको ग्राफ्टन थोमस भएको जनाइएको छ । उसलाई न्युयोर्कको ग्रिनउड लेकबाट आइतबार विहान पक्राउ गरिएको थियो । कपडामा रगतको टाटा देखेपछि प्रहरीले रोकेर पक्राउ गरेको थियो ।
संदिग्ध आक्रणकारीलाई हत्या प्रयासका पाँच अभियोग लगाइएको छ । उसले आफूबिरुद्धको अभियोग अस्वीकार गरेको छ । तर उसलाई ५० लाख डलर जमानत तोकेर हिराशतमा राखिएको छ ।
पहिलो तस्वीरमा संदिग्ध आक्रणकारी ।